LEXO PA REKLAMA!

SHKARKO APP

E fundit!

x

Vrau veten duke u hedhur nga pallati/ Kush ishte Kastriot Myftaraj

7 Korrik 2022, 14:02, Aktualitet CNA

Vrau veten duke u hedhur nga pallati/ Kush ishte Kastriot Myftaraj

Një ngjarje e rëndë ka ndodhur sot në Tiranë, ku gazetari Kastriot Myftaraj i ka dhënë fund jetës, duke u vetëhedhur nga kati i katërt i pallatit ku banonte.

Ngjarja ndodhi rreth orës 12:55 në lagjen “Ali Demi”.

Por, kush ishte Kastriot Myftaraj?

Kastriot Myftaraj ishte publicist, gazetar dhe analist shqiptar.  

Ai ka lindur në Korçë në vitin 1966.

Myftaraj ka punuar për një kohë si ndihmës gjyqtar në Gjykatën e Korçës dhe më pas si korrespondent në disa të përditshme në Tiranë, duke filluar që nga gazeta "55", "Rilindja Demokratike", gazeta "Sot", etj.  

Në vitin 1997 u largua nga Korça, pasi është kërcënuar.

Pas shpërnguljes në Tiranë, ai ka botuar edhe disa libra, ndërsa njihet si një gazetar dhe publicist, konspiracionist.

Ishte bashkëpunëtor në disa media dhe portale.

Kastriot Myftaraj ka qenë pjesë e disa ekraneve shqiptare. Për një kohë të gjatë ka qenë pjesë e emisionit të Arian Çanit në "Tv Klan", ndërsa së fundi prej disa vitesh ishte pjesë e ekranit të "Ora News", me emisionin e tij “Iu flet Moska”.

Myftaraj është arrestuar disa vite më parë, për një shkrim kundër ambasadores së Bashkimit Europian në Tiranë, në atë kohë, Vlahutin.

Kastriot Myftaraj, një personazh i ashpër dhe konspirativ, prej 25 vitesh ishte në tregun e medias së kryeqytetit./CNA.al

 

Lajmet e fundit nga