web counter
LEXO PA REKLAMA!

SHKARKO APP

App Store
Google Play

Rrezikonin të mbyteshin në det/ "Sky Sport" dhe Artion Vreto shpëtojnë mrekullisht çiftin e ri dhe fëmijën e tyre

6 Korrik 2022, 19:23, Aktualitet CNA

 

Rrezikonin të mbyteshin në det/ "Sky Sport" dhe Artion Vreto
Foto nga vendngjarja

Stafi i "Sky Sports Albania" dhe Artion Vreto kanë shpëtuar pak çaste më parë një çift së bashku me fëmijën e tyre, të cilët me një kanoe kishin hyrë në det, por për shkak të erës së fortë dhe dallgëve ajo është larguar shumë nga bregu. Pjesë e bashkëpunimit për shpëtimin e tyre ka qenë edhe Policia e Vlorës. 

Është dashur ndërhyrja e profesionistëve të "Sky Sports Albania", të cilët janë njerëz që ushtrojnë aktivitetin e zhytjes në det dhe fluturimeve, të cilët me një gomone kanë shpëtuar çiftin e të rinjve së bashku me fëmijën e vogël në Palasë. 

Kërkimet për gjetjen e çiftit çek dhe fëmijës së tyre, të cilët ishin larguar 4 milje larg bregut, kanë zgjatur rreth 3 orë.

CNA.al mëson se më pas ka ardhur edhe Policia e Shtetit, e cila ka bërë edhe dokumentimin e ngjarjes. Fatmirësisht nuk ka pasur asnjë problem. Ndërhyrja ka qenë disi e vështirë, por profesionistët si Artion Vreto dhe "Sky Sports Albania" në të tilla raste tregojnë aftësitë e tyre, duke mundur të shpëtojnë një tragjedi të mundshme të çiftit dhe fëmijës së tyre./CNA.al







Lajmet e fundit nga