web counter
LEXO PA REKLAMA!

SHKARKO APP

App Store
Google Play

Përpara protestës/ Blindohet Kryeministria

6 Korrik 2022, 20:51, Aktualitet CNA
Përpara protestës/ Blindohet Kryeministria
Blindimi i Kryeministrisë

Nesër, në datën 7 korrik, ora 7 pasdite do të mbahet protesta kombëtare e thirrur nga Sali Berisha.

Nën moton “Shqipëria në rrezik”, opozita u ka bërë thirrje të gjithë qytetarëve që të bashkohen në këtë tubim, kundër rritjes së çmimeve të produkteve të shportës, naftës apo edhe aferat korruptive ku implikohet qeveria.

Ndërkohë që opozita bën përgatitjet e fundit, ka nisur edhe blindimi i Kryeministrisë.

CNA.al ka siguruar një foto, në të cilën shihen punonjësit, teksa montojnë strukturat metalike në pjesën e jashtme.

Për tubimin që do të mbahet nesër, mësohet gjithashtu se janë aktivizuar në terren rreth 1200 efektivë të forcave të rendit, FNSH-së, Shqiponjave dhe punonjës të Gardës së Shqipërisë.

Kryeministria do të rrethohet nga një kordon me efektivë nga të gjitha repartet, ndërsa do të vendosen kamera sigurie me rezolucion të lartë në vende të ndryshme për një panoramë sa më të gjerë, për të pasur nën mbikëqyrje situatën. Po ashtu, bëhet me dije se do bllokohen edhe disa akse rrugore./CNA.al





Lajmet e fundit nga