web counter
LEXO PA REKLAMA!

SHKARKO APP

App Store
Google Play

E fundit!

x

Lehtësimi i lëvizjes/ Pikë e re doganore mes Shqipërisë dhe Malit të Zi

9 Korrik 2022, 18:13, Aktualitet CNA
Lehtësimi i lëvizjes/ Pikë e re doganore mes Shqipërisë
Foto ilustruese

Qeveria e Malit të Zi ka miratuar një dokument me anë të të cilit nisin negociatat me Shqipërinë për ngritjen e një pike të re kufitare mes dy vendeve.

Pika kufitare planifikohet të ngrihet pranë Ulqinit dhe Velipojës, në zonën midis Sveti Nikola (Mal i Zi) dhe Pulaj (Shqipëri).

Media malazeze shpjegojnë se arsyet e propozimit të Marrëveshjes ndërmjet Qeverisë së Malit të Zi dhe Këshillit të Ministrave të Republikës së Shqipërisë për hapjen e pikës kufitare Sveti Nikolla, është lehtësimi i lëvizjes së qytetarëve ndërmjet dy shteteve dhe për të lehtësuar trafikun përtej kufirit të përbashkët shtetëror.

Sa u përket parametrave teknikë të pikës doganore, ata do të përcaktohen nga Komisioni i Përbashkët i palëve nënshkruese.

Në dokumentin e miratuar nga qeveria malazeze, sqarohet se pika e re kufitare do të nisë funksionimin pas ndërtimit të lidhjes së rrugës rrugore Ulqin – Sveti Nikolla – Pulaj – Velipojë, ndërtimin e pikës së përbashkët kufitare dhe plotësimin e kushteve për funksionimin normal të shërbimeve kufitare të vendeve nënshkruese./CNA.al





Lajmet e fundit nga