Në një vit, 724 persona “braktisën” pasaportën shqiptare/ 41 për qind më shumë se në vitin 2020

10 Korrik 2022, 08:21, Aktualitet CNA

Foto ilustruese

Në 2021-shin rezultojnë 2.533 azilkërkues në Shqipëri, duke pësuar rritje me 13,5 % krahasuar me 2020-ën. Azilkërkuesit me origjinë nga Afganistani zënë 98,6 % të azilkërkuesve gjithsej në 2021-shin dhe rezultojnë 2.498 persona.

Në 2021-shin rezultojnë 711 persona të cilët kanë fituar shtetësi shqiptare, duke pësuar rritje me 68,1 %, krahasuar me vitin 2020, shkruan CNA.al, referuar të dhënave të INSTAT.

Gjatë vitit 2021 rezultojnë të jenë 724 persona, të cilët kanë humbur shtetësinë shqiptare, duke pësuar rritje me 41,1 %, krahasuar me vitin 2020.

Azilkërkuesit në Shqipëri

Azilkërkuesit në Shqipëri, referuar Drejtorisë së Azilit dhe të Huajve, si dhe Shtetësisë pranë Ministrisë së Brendshme, rezultojnë 2.533 persona në 2021-shin.

Duke analizuar vendin e origjinës së azilkërkuesve në 2021-shin kuptojmë se, shumicën e rasteve e përbëjnë ato me origjinë nga Afganistani me 2.498 azilkërkues, duke vijuar me 19 azilkërkues nga Siria.

Në një vit, 724 persona “braktisën”

Duke parë kërkesat për azil sipas muajve, kuptojmë se piku i aplikimeve kanë qenë në muajt shtator-nëntor, të cilët përbëjnë 76,4 % të azilkërkuesve gjithsej. Kjo si pasojë e situatës politike në Afganistan.

Në një vit, 724 persona “braktisën”

Gjatë 2021-shit rezultojnë 7 vendime pozitive për dhënie të statusit të mbrojtjes plotësuese për azilkërkuesit, nga këto raste 4 u përkasin shtetasve nga Afganistani dhe 3 nga Siria.

Fitimi dhe lënia e shtetësisë shqiptare

Në 2021-shin rezultojnë 711 persona të cilët kanë fituar shtetësi shqiptare, duke pësuar rritje me 68,1 %, krahasuar me vitin 2020.

Po të analizojmë të dhënat sipas gjinisë, vëmë re se 443 persona që kanë fituar shtetësinë shqiptare janë meshkuj dhe 268 femra. Vihet re një dominim i meshkujve me 62,3 %.

Në 2021-shin rezultojnë 724 persona, të cilët kanë hequr dorë nga shtetësia shqiptare, duke pësuar rritje me 41,1 %, krahasuar me vitin 2020. Po të analizojmë të dhënat sipas gjinisë, vëmë re se 403 persona që kanë lënë shtetësinë shqiptare janë femra dhe 321 meshkuj. Vihet re një dominim i femrave me 55,7 %.

Në një vit, 724 persona “braktisën”

Duke analizuar vendin e origjinës së personave që kanë fituar shtetësinë shqiptare kuptojmë se shumicën e rasteve ose 73,8 % e përbëjnë ato me origjinë nga Kosova, Turqia me 7,3 %, Siria me 5,9 %.

Në një vit, 724 persona “braktisën”

Gjatë 2021-shit grupmosha që dominon është 30-39 vjeç me 31,5% të personave që kanë fituar shtetësinë shqiptare e ndjekur me grupmoshën 20-29 vjeç dhe 40-49 vjeç me 22,9% dhe 19,3% respektivisht. Për personat që kanë lënë shtetësinë shqiptare grupmosha që dominon është 30-39 vjeç me 38,8% e ndjekur me grupmoshën 40-49 vjeç dhe 20-29 vjeç me 23,9% dhe 18,6% respektivisht./CNA.al

Në një vit, 724 persona “braktisën”