web counter
LEXO PA REKLAMA!

SHKARKO APP

App Store
Google Play

Masakra e Srebrenicës/ Meta: Dënimi i këtij gjenocidi garanton sigurinë dhe stabilitetin në rajon

11 Korrik 2022, 17:44, Aktualitet CNA
Masakra e Srebrenicës/ Meta: Dënimi i këtij gjenocidi garanton
Presidenti Ilir Meta

Presidenti Ilir Meta ka përkujtuar viktimat e Srebrenicës, masakrës më të madhe pas Luftës së Dytë Botërore. Në një postim në facebook, Presidenti Meta thotë se dënimi i çdo përpjekjeje për mohimin e këtij gjenocidi, përgjegjësve dhe frymëzuesve të kësaj masakre është e vetmja rrugë që garanton forcimin e bashkëpunimit rajonal, bashkëjetesës etnike dhe fetare, konsolidon paqen, stabilitetin dhe sigurinë në rajon, për të ecur përpara drejt së ardhmes të përbashkët në Bashkimin Europian.

Reagimi i plotë:

 “Me pikëllim të thellë nderojmë sot kujtimin e viktimave të pafajshme të Srebrenicës, masakrës më të madhe pas Luftës së Dytë Botërore, që ndodhi 27 vite më parë, në zemër të Europës.

Dënimi i çdo përpjekjeje për mohimin e këtij gjenocidi, përgjegjësve dhe frymëzuesve të kësaj masakre është e vetmja rrugë që garanton forcimin e bashkëpunimit rajonal, bashkëjetesës etnike dhe fetare, konsolidon paqen, stabilitetin dhe sigurinë në rajon, për të ecur përpara drejt së ardhmes të përbashkët në Bashkimin Europian.

Fryma e urrejtjes, përçarjes, ndasive dhe glorifikimi i kriminelëve të luftës nuk duhet të gjejë më vend në shoqëritë tona, por duhet të marrë një dënim të merituar për të mos lejuar më të tilla masakra të përsëriten në të ardhmen!”/CNA.al

Masakra e Srebrenicës/ Meta: Dënimi i këtij gjenocidi garanton





Lajmet e fundit nga