web counter
LEXO PA REKLAMA!

SHKARKO APP

App Store
Google Play

E fundit!

x

Prindërit donin ta bënin mjek/ Blendi Fevziu tregon si u bë gazetar

11 Korrik 2022, 21:17, Aktualitet CNA

Prindërit donin ta bënin mjek/ Blendi Fevziu tregon si u bë

Gazetari Blendi Fevziu nga studio e ‘Të Pa ekspozuarit’ ka treguar se si ai është bërë gazetar, ndërsa rrëfen se si prindërit e tij ishin kundër që ai të studionte letërsi dhe se ngulnin këmbë për ndonjë profesion si mjekësi apo inxhinieri.

Fevziu vijon rrëfimin e tij me eksperiencat e para në gazetari, si dhe intervistat me shkrimtarët e njohur të realizuar me Ben Blushin të cilat më pas i hapën rrugën në tregun mediatik.

Ndër të tjera ai tregon se gazetarinë e ka pasion dhe se këtë punë e bën me dëshirë, ndërsa shton se ditën që do ngrihem me sikletin se ç’më duhet kjo punë do iki.

"Ishte një kohë kur oferta për të punuar dhe angazhuar ishin më të mëdha se mundësia që vendi kishte. Mund të bëheshe nga deputet, ministër, gazetar dhe biznesmen. Unë nuk isha rastësisht aty, kisha zgjedhur të studioja letërsi. Ne kemi qenë ai brez që na caktonin se nuk zgjidhnim dot. Unë zgjodha letërsinë, prindërit e mi nuk ishin dakord, më tha im atë ç’punë ke ti. Babai tha nëse do të kesh ajër në jetë mundohu të marrësh një profesion dhe e dyta po bëre shkollën e lartë do të hedhin në veri më mirë bëj ushtrinë dhe qëndro në Tiranë. Mamaja thotë se letërsia nuk është degë. Babai më thoshte nëse arrin të marrësh mjekësinë edhe pse në atë kohë ajo ishte shumë e vështirë, merr një gjë që ka zanat, prsh. inxhinierinë. Unë vija nga një familje që vija me probleme nga regjimi komunist, por për fatin tonë të madh Ramiz Alia në një takim mbajti një fjalim që tha një frazë që më pas e përdorën të gjithë ata që vajtën në shkollë. Ai tha se nuk kemi pse ta shtrimë luftën e klasave dhe nipërit e familjeve, te mos i pengojmë dhe pikërisht kjo frazë për të cilën e kam pyetur më pas pse e ke thënë por ai se kujtonte por hapi dyert e shkollave. U futa në shkollë dhe nisa të angazhohesha me gazetën Studenti dhe pse pa pagesë e bëja me shumë kënaqësi. Më pas vendosa që me Ben Blushin vendosëm të bënim një seri intervistash me shkrimtarë të njohur dhe shkuam te ata më të njohurit, befas këto intervista që i bënim dy faqe filluan të kishin një impakt dhe duke pasur këtë nisëm të njiheshim dhe me botues të rëndësishëm të tregut mediatik dhe nisën të na angazhonin për gazetën ‘Zëri i Rinisë’. Në ‘90 PD donte të krijonte gazetën por s’kishte gazetarë dhe Prenç Zogaj mendoi që grupi i angazhuar me gazetën studenti të ftohej për tu bashkuar për rilindjen demokratike, unë i thash Ben Blushit, Minxhozit, një javë më pas Edi Paloka dhe kështu u krijua një bërthamë që mbeti në gazetari. Gazetaria është pasion. Ka njerëz që e bëjnë një punë se duan të jetojnë, por ka shumë pak që e bëjnë punën që duan, por unë e dua këtë punë. Ditën që do ngrihem me sikletin se ç’më duhet kjo punë do iki", u shpreh Favziu./CNA.al





Lajmet e fundit nga