web counter
LEXO PA REKLAMA!

SHKARKO APP

App Store
Google Play

E fundit!

x

I përdorën firmën pas vdekjes/ Këlliçi: Hetoni makinacionet e njerëzve të inceneratorëve

12 Korrik 2022, 12:45, Aktualitet CNA
I përdorën firmën pas vdekjes/ Këlliçi: Hetoni
Deputeti i PD-së, Belind Këlliçi

Deputeti i PD-së, Belind Këlliçi në një deklaratë për mediat, është ndalur sërish tek afera e inceneratorëve.

Këlliçi ka folur për skemën, e tjetërsimit të firmave duke shfrytëzuar të moshuar në azil ose ata që kanë humbur jetën.

Ndër të tjera ai i ka bërë thirrje SPAK, që të dalë nga letargjia dhe të hetojnë makinacionet e njerëzve të inceneratorëve.

“Shqiptari e ka zakon që pas vdekjes së të afërmit shlyen çdo borxh që mund t’i ketë të ndjerit. Qeveria pasi rriti borxhin për të gjallët, nuk lë të qetë as të vdekurit.

Makinacionet e njerëzve të lidhur me inceneratorët në përpjekje për të pastruar paratë kanë përdorur firmën e Gjyste Sermit dy herë kur ajo ishte në prag të vdekjes dhe tre herë pas vdekjes.

Janë bërë disa veprime në emër të saj edhe pse në gjendje civile rezultonte e vdekur.

SPAK të dalë nga letargjia, të ndjekë paranë për të shkuar te porositësit e kësaj skeme. Ka ardhur koha sot që të themi boll vodhe kësaj qeverie të vdekjes”, ka deklaruar Këlliçi./CNA.al





Lajmet e fundit nga