LEXO PA REKLAMA!

SHKARKO APP

“Një zonjë grifshë”/ Nga Linda Rama te Kryemadhi, ja si i cilëson Felaj

12 Korrik 2022, 18:33, Aktualitet CNA
“Një zonjë grifshë”/ Nga Linda Rama te Kryemadhi, ja
Zëvendëskryetarja e Kuvendit, Ermonela Felaj

Zëvendëskryetarja e Kuvendit, Ermonela Felaj, ka folur për rrugëtimin e saj në politikë si dhe për raportet që ka me kolegët apo edhe opozitarët.

E ftuar në "Abc e Pasdites", moderator Ermal Peçi ka nxjerrë përballë saj disa foto të kolegeve të saj duke kërkuar një koment për secilën.

Ndër to nuk mungonte Linda Rama, Grida Duma, Monika Kryemadhi, Elisa Spiropali, Lindita Nikolla apo dhe Jozefina Topalli.

Me ministren Elisa Spiropali la të kuptonte se ishin shumë mikesha, sikurse dhe me kryetaren e Kuvendit Lindita Nikolla.

Ndër të tjera nuk ka munguar edhe një koment për bashkëshorten e kryeministrit Rama, Linda Rama.

Felaj e vlerësoi për thjeshtësinë që ka. Ndërkohë, për Topallin shtoi se është e egër dhe Kryemadhin e cilësoi si grifshë.

“Kryemadhi? Mund ta përkufizoj me të parën fjalë që më vjen. Është një zonjë grifshë në politikë. Sjellje e saj është sjellje prej grifshe. Mendoj që është një lloj tipari që një politikan duhet ta reflektoj minimalisht në mënyrën se si i mbron gjërat dhe se si e përcjell ai te të tjerët  besimin që ka tek një politikë e caktuar.

Më herët para se të isha në politik, e kam parë si një person që ishte shumë e angazhuar me të rinjtë. Kam përshtypjen që është një profil që vazhdon ende ta ruaj, nuk e ka humbur asnjëherë dhe kam përshtypjen që di të mirë vendoset  me të rinjtë”, tha Felaj./A.E-CNA.al

Lajmet e fundit nga