web counter
LEXO PA REKLAMA!

SHKARKO APP

App Store
Google Play

E fundit!

x

Subvencionet në bujqësi/ AZHBR: 62 mijë aplikime, ezaurohen fondet

12 Korrik 2022, 16:10, Aktualitet CNA
Subvencionet në bujqësi/ AZHBR: 62 mijë aplikime, ezaurohen
Foto ilustruese

35 milionë euro fonde të buxhetuara për skemat e mbështetjes në bujqësi janë ezauruar që në gjysmën e parë të vitit.

Në një intervistë për "Euronews Albania", drejtorja e Agjencisë për Zhvillimin Bujqësor dhe Rural Eranda Selmanaj, thotë se interesi nga fermerët ka qenë i lartë me 62 mijë aplikime dhe janë përzgjedhur 31 mijë fermerë.

“Ka pasur një interes të lartë, 62 mijë aplikime. Tashmë problemi i vetëm janë fondet e pamjaftueshme, dhe duhet thënë që këtë vit vlera e fondit ka qenë më e larta e dhënë ndonjëherë, 35 milionë euro”, u shpreh Eranda Selmanaj,  drejtore e Agjencisë së Zhvillimit Bujqësor dhe Rural.

Kërkesa më e lartë është të skema e naftës pa taksa. 26 mijë kanë përfituar nga 49 mijë që kanë aplikuar.

Agjencia ka bërë kërkesë për shtesë fondi, në mënyrë që të shpërndahet nafta e subvencionuar për të gjithë fermerët.

“Te skema e naftës pa taksa ka qenë interesi më i madh. Kemi miratuar dhënien e kartave të karburantit për 26 mijë fermerë dhe pjesa tjetër e aplikimeve nuk është miratuar sepse është ezauruar fondi. Tashmë presim përgjigje për shtesë fondi sepse kemi bërë kërkesë”, tha ajo.

Në total fermerët kanë aplikuar për 13 fusha, ku përveç sektorit të blegtorisë, agroturizmit dhe serrave këtë vit janë shtuar skemat për lëndët e para në bujqësi dhe produktet bio.

“Të gjithë ata që janë kualifikuar për të përfituar nga skemat do të njoftohen dhe do të derdhet pagesa në numrin e llogarisë që kanë lënë”, u shpreh ajo më tej.

Pas miratimit të fondeve shtesë Agjencia do të rihapë thirrjet për skemat që do të mbështeten. Aplikimet janë me bazën e vetëdeklarimit dhe fermerët mund të aplikojnë online pa pasur nevojë të dorëzojnë dokumentacion shtesë./euronews





Lajmet e fundit nga