LEXO PA REKLAMA!

SHKARKO APP

E fundit!

x

Megaskandali me inceneratorët/ Klodian Zoto, biznes me Ndragetën italiane?

8 Gusht 2022, 11:53, Denoncim CNA

Megaskandali me inceneratorët/ Klodian Zoto, biznes me Ndragetën

Anëtari i Këshillit Kombëtar të PD-së, Akil Kraja, në një dalje për mediat ka shtruar pyetjet e radhës për SPAK-un në lidhje me aferën e inceneratorëve.

“6 vite nga vrasja e Ardit Gjoklajt në ladfillin e Tiranës, asnjë fajtor nuk është dënuar”, është shprehur Kraja. 

Një ndër pyetjet që Kraja ka shtruar lidhet me Klodian Zoton, njërin prej pronarëve të inceneratorëve që është në kërkim ndërkombëtar.

“A ka pasur lidhje kompania fantazmë e bazuar në Këlcyrë, me të arrestuarit në Verona si të përfshirë në trafikimin e plehrave për llogari të Ndragetës italiane? Si u përzgjodh kjo kompani fantazmë nga Bashkia Tiranë?”, ka pyetur Kraja.

Deklaratë e anëtarit të Këshillit Kombëtar, Akil Kraja

Megaskandali me inceneratorët/ Klodian Zoto, biznes me Ndragetën

6 vite më parë, më 7 gusht të vitit 2016, humbi jetën në landfillin e Sharrës, 17-vjeçari Ardit Gjoklaj. Ai ishte punësuar në shkelje të ligjit, në të zezë, nga një kompani e nënkontraktuar nga Bashkia Tiranë, e cila u propagandua si një histori suksesi në riciklimin e mbetjeve në landfillin e Sharrës.

Gjykata doli në konkluzionin se Ardit Gjoklaj ishte vrarë diku tjetër, jo në landfillin e Sharrës, dhe që trupi i tij ishte sjellë nga një automjet misterioz. Ndërkohë, fotoja e prokurorit Fusha teksa drekonte me kryetarin e Bashkisë, Veliaj, mund të japë një përgjigje se pse fajtorët nuk u dënuan dhe pse vjedhja e shekullit vazhdon.

Sot 6 vite më pas firma e Erion Velaijt dhe Edi Ramës, në kundërshtim me ligjin, e ka çuar megaaferën në qindra miliona euro vjedhje dhe asnjë punë të bërë.

Në 6-vjetorin e kësaj vrasjeje që kërkon ende drejtësi, shtrojmë 5 pyetje:

Kush e vrau Ardit Gjoklajn dhe cilat janë përgjegjësitë e Bashkisë Tiranë në koncensionin e riciklimit të mbetjeve në landfillin publik të Sharrës?

A është e vërtetë që Klodian Zoto e ka blerë me vetëm disa mijëra euro pjesën e kuotave të tij në kompaninë "EcoRecycling" që ka monopolin e riciklimit të mbetjeve në Sharrë, dhe që ky monopol vlen disa miliona euro në vit?

A është e vërtetë që monopolin e riciklimit të mbetjeve të kryeqytetit, Klodian Zoto, ja bleu një kompanie fantazmë që kishte për ortak një traktorist, me adresë zyrtare, 5 metra larg postës Këlcyrë?

A ka pasur lidhje kjo kompani fantazmë e bazuar në Këlcyrë, me të arrestuarit në Verona si të përfshirë në trafikimin e plehrave për llogari të Ndragetës italiane? Si u përzgjodh kjo kompani fantazmë nga Bashkia Tiranë?

Si e shpjegon Bashkia Tiranë faktin që Klodian Zoto paguhet tri herë nga qytetarët e Tiranës: një herë për djegien e plehrave që nuk digjen; e dyta për riciklimin e mbetjeve dhe, së treti, për menaxhimin e dherave të sektorit të ndërtimit? Përse duhet ta paguajmë Klodian Zoton kur gjithçka ndodh në një truall publik? Mos vallë sepse Bashkia Tiranë dhe për pasojë vetë kryetari i bashkisë, është indirekt ortak me Klodian Zoton në kompaninë "EcoRecycling"?

Këto janë pyetje krejt të thjeshta për shqiptarët, por shumë të vështira për drejtësinë e Soros.

Përfundimi ynë mund të jetë vetëm një: të gjitha këto ndodhin SEPSE Rama-Veliaj-Ahmetaj-Zoto-Mërtiri-Gugallja i NDAJNE PARATE mes tyre.

Ju shqiptarë, si mendoni?/CNA.al

Lajmet e fundit nga