E fundit!

08:25 Kosova & Bota

SHBA drejt heqjes së ndryshimit të orës, Dhoma e Përfaqësuesve miraton projektligjin

Dhoma e Përfaqësuesve në SHBA ka miratuar një projektligj ...

Deputeti që ndërroi mbiemrin “nuk kurseu” as babain/ Çfarë fshihet pas këtij ndryshimi?

9 Gusht 2022, 11:54, Aktualitet CNA

Deputeti që ndërroi mbiemrin “nuk kurseu” as babain/

Lefter Gështenja, të cilin e futi në lista për deputet Lulzim Basha dhe që sot ndodhet në Kuvend, është njëri nga njerëzit e politikës, që ka ndryshuar gjeneralitet.

Ndërsa një pjesë e madhe e politikanë kanë ndryshuar emrin, deputeti në fjalë ka ndryshuar mbiemrin, por të ndryshuar ka edhe emrin e babait të tij.

Në formularin e dekriminalizimit ai shkruan se mbiemri i tij ka qenë Kostenja, ndërsa emri i babait ka qenë Alush.

Por babai rezulton me emrin Lush dhe me mbiemrin e ndryshuar Gështenja.

Nuk specifikohet arsyeja se përse kanë ndodhur këto ndryshime në gjeneralitete, dhe as vitet kur janë bërë këto ndryshime. Duke ngritur kështu dyshime se diçka fshihet pas mbiemrit Kostenja, me të cilin ka fimosur formularin.

Edhe pse e ka ndryshuar mbiemrin ai ka hedhur firmat me dy mbiemrat.

Në formularin e dekriminalizmit ai deklaron se ka qenë emigrant për një vit në Greqi, nga viti 1991-1992.

Deputeti që ndërroi mbiemrin “nuk kurseu” as babain/

Nuk dihet nëse ka pasur problem me drejtësinë atje që e kanë detyruar të ndërrojë mbiemrin, por edhe emrin e babait.

Kostenja që është bërë Gështenjë është përfolur për skandale, në kohën që ka punuar në Drejtorinë e Përgjithshme.

Mund të jetë edhe ky version, që e ka detyruar të ndryshojë mbiemrin, derisa ai nuk sqaron.

Kujtojmë se Gështenja ka qenë zv/drejtor i Këshillit Teknik të Drejtorisë së Përgjithshme të Rrugëve.

Gjithashtu ai ka qenë kryetar i Komisionit të Vlerësimit të Ofertave në tenderin e projektit për Unazën e Re, si zv/drejtor dhe njëkohësisht si zv/drejtues i autoritetit kontraktor dhe inxhinier që ishte, është ai që e ka miratuar.

Ndërkohë që në vitin 2018 shfaqej në media në krah të Lulzim Bashës, duke protestuar në Astir për Unazën e Madhe.

Pra, vetë e kishte miratuar dhe më pas doli në protestë.

Gështenja dyshohet se po tenton t’i mbulojë zullumet nën petkun e politikës, ndaj ndryshon mbiemër dhe vetë miraton dhe vetë proteston.

Diku, SPAK-u ka hapësirë që të verifikojë këto ndryshime që ai deklaron te formulari i dekriminalizimit.

Edhe te pasuria që deklaron në ILDKPKI, dyshohet se fsheh dhe mbulon të ardhura, tundshmëri apo patundshmëri, të cilat CNA.al do t’i raportojë në vijim të detajuara./CNA.al

Vijon..