E fundit!

10:09 Aktualitet

Zbardhen emrat e ish-zyrtarëve të arrestuar me urdhër të Prokurorisë së Posaçme

Prokuroria e Posaçme ka lëshuar 10 urdhër-arreste për ...

Meta i “lëshon” Blushin Qeverisë/ Selia e miliarderëve të PL-së, del me propozime

8 Gusht 2022, 13:39, Aktualitet CNA

Meta i “lëshon” Blushin Qeverisë/ Selia e

“Blushi i Metës’ në rolin e sekretarit të përgjithshëm të PL-së, është shprehur i shqetësuar për rritjen e çmimeve.

Sipas tij, shtrenjtimi abuziv i çmimeve të ushqimeve po ul ndjeshëm konsumin dhe po thellon seriozisht varfërinë, duke rrënuar më shumë buxhetet familjare, në veçanti pensionistët dhe shtresat më në nevojë.

“Fuqia blerëse ka rënë sepse çmimet janë të papërballueshme!

Sot blihet më shumë bukë dhe shumë herë më pak mish dhe nënprodukte të tij, më pak qumësht, djathë, kos, vezë, oriz, makarona dhe fruta.

Blerjet e këtyre produkteve kanë rënë 30% deri në 40% krahasuar me një vit më parë.

Rënia e konsumit po krijon situatë të vështirë edhe te biznesi, që gjithë presionin është i detyruar ta shkarkojë në uljen e pagave të punonjësve dhe shkurtimin e vendeve të punës.

Ky është rrënimi ekonomik, që po mbjell Qeveria e Edi Ramës që jo vetëm vjedh pa pushim taksat e shqiptarëve me inceneratorët, PPP, koncensione, tendera sekretë dhe rrugë të florinjta, por po fut duart edhe në xhepat e tyre duke i grabitur çdo ditë me çmimet abuzive të ushqimeve dhe naftës, që vetë i vendos e kontrollon.

Me taksat dhe tatimet më të lartat në rajon, Qeveria po dështon me vullnet të plotë edhe turizmin, që do të thotë më shumë varfëri dhe dëshpërim për mijëra familje, që e kanë lidhur jetesën me këtë sektor jetik për vendin.

Shqipërinë e pret gremina ekonomike dhe shpopullimi masiv.

Për daljen nga rruga drejt falimentit të vendit dhe shkatërrimit të ekonomike familjare, Partia e Lirisë propozon 6 masa efektive, që luftojnë varfërinë, në të mirë të qytetarëve, familjeve dhe bizneseve shqiptare”, është shprehur Tedi Blushi.

Më tej ai i ka bërë thirrje Qeverisë të pranojë propozimet konkrete të Partisë së Lirisë që janë gjashtë të tilla dhe që po i sjellim me poshtë.

Propozimet e PL-së.

1. Indeksoni pagat!

2. Rritni rrogat dhe pensionet!

3. Mbështetni financiarisht me të paktën 50-70 euro në muaj çdo qytetar mbi 18 vjeç!

4. Ulni TVSH-në për produktet e konsumit, duke ndjekur shembujt e vendeve të rajonit.

5. Që turizmi të marrë frymë, mbështeteni me paketa konkrete ndihme.

6. Lehtësoni çmimin e karburanteve duke pezulluar taksën e qarkullimit dhe taksën e karbonit, (nismë ligjore e depozituar tashmë në Kuvend), sepse edhe ukrainasit në luftë e blejnë sot naftën më lirë (1.4 eu/litër) se shqiptarët në (1.9 eu/litri).

Partia e Lirisë angazhohet që nisma e saj e parë me nisjen e sesionit të ri parlamentar do të jetë indeksimi me ligj i menjëhershëm i pagave, detyrim ligjor dhe kushtetues, që Edi Rama nuk e ka venë në zbatim prej vitit 2017.

Një thirrje publike edhe për të gjithë punonjësit e tatimeve dhe taksave: Mos ju bindni asnjë urdhëri për gjobvënie ndaj bizneseve sepse nesër nuk do t’i shpëtoni ndëshkimit ligjor!/CNA.al