web counter
LEXO PA REKLAMA!

SHKARKO APP

App Store
Google Play

E fundit!

x

Rreth 30 vite në poste shtetërore/ Meta amniston veten nga përgjegjësitë për shpopullimin e vendit

8 Gusht 2022, 09:46, Aktualitet CNA

Rreth 30 vite në poste shtetërore/ Meta amniston veten nga

Kreu i Partisë së Lirisë, Ilir Meta, është rikthyer 31 vite pas, duke kujtuar eksodin e shqiptarëve drejt Italisë në anijen “Vlora”, në vitin 1991.

Me anë të një postimi në rrjete sociale, Meta shkruan se edhe pas 31 vitesh, 40 për qind e emigrantëve të paligjshëm që kalojnë La Manshin, duke rrezikuar jetën e tyre, janë shqiptarë.

“Që drama e madhe e shpopullimit të marrë fund dhe shqiptarët të ankorojnë shpresën në atdheun e tyre, duhet ndëshkuar kapja e shtetit, modeli korruptiv dhe kriminal që lë në varfëri shumicën e qytetarëve, për të pasuruar një pakicë”, shkruan Meta duke amnistuar veten nga përgjegjësia për shpopullimin e vendit dhe duke harruar që përgjatë këtyre viteve ai ka mbajtur poste shtetërore.

Reagimi i plotë:

Pas 31 viteve nga këto pamje tronditëse dhe emocionuese të 8 gushtit 1991, kur rreth 20 mijë shqiptarë në bordin e anijes “Vlora” nisën udhëtimin drejt lirisë, për një jetë të re dhe një të ardhme më të mirë, eksodi i shqiptarëve vijon dhimbshëm.

Edhe sot, 40 përqind e emigrantëve të paligjshëm që kalojnë La Manshin, duke rrezikuar jetën e tyre, janë shqiptarë.

Që drama e madhe e shpopullimit të marrë fund dhe shqiptarët të ankorojnë shpresën në Atdheun e tyre, duhet ndëshkuar kapja e shtetit, modeli korruptiv dhe kriminal që lë në varfëri shumicën e qytetarëve, për të pasuruar një pakicë.

Europa do ndërtohet në Shqipëri kur sovrani të marrë në dorë fatet e veta!

REFERENDUMI, kryefjala e angazhimit madhor të Partisë së Lirisë./CNA.al





Lajmet e fundit nga