web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 7-vjeçares në Himarë/ Tentativat e Policisë për ta justifikuar

7 Gusht 2022, 11:58, Aktualitet CNA

Vrasja e 7-vjeçares në Himarë/ Tentativat e Policisë

Policia ka bërë bilancin e javës me ato ngjarje që ata i konsiderojnë si arritje. Operacione të suksesshme kategorizojnë edhe ata me një të arrestuar.

Çdo dalje në terren policia i vë një emër dhe e quan operacion.

Por për tragjeditë, për krimet që kanë pushtuar vendin nuk jep llogari.

Javën që lamë pas, bilancin e të cilit Policia ua ka dërguar mediave, ndodhi një ngjarje tragjike.

Në plazhin e Potamit në Himarë, një 7-vjeçare u godit për vdekje nga skafi i komisarit të Policisë, Arjan Tase, i cili bënte manovra në breg të detit.

Vrasja e 7-vjeçares në Himarë/ Tentativat e Policisë

Dhe pas kësaj ngjarjeje policia u kujtua të merrte masa në zonat bregdetare, madje duke goditur rëndë turizmin me bllokimin e të gjitha mjeteve detare.

Paaftësinë e tyre dhe mungesën e llogaridhënies, pasi nuk pati asnjë dorëheqje për krimin e rëndë në Himarë, e justifikojnë me bllokimin e mjeteve detare.

Gjatë kësaj jave, janë bllokuar 125 mjete lundurese “Jet ski”; 75  skafe të vogla dhe gomone, për verifikim të dokumentacionit dhe disa prej tyre për kryerje të manovrave të rrezikshme për pushuesit në plazhe, pranë perimetrit të sigurisë.

Vrasja e 7-vjeçares në Himarë/ Tentativat e Policisë

Më poshtë po sjellim bilancin që policia e konsideron sukses dhe e shpërndan për mediat.

Operacionet policore

Vrasja e 7-vjeçares në Himarë/ Tentativat e Policisë

Gjatë kësaj jave janë arrestuar, proceduar dhe shpallur në kërkim 471 shtetas, nga këta: 114 janë arrestuar, 323 janë proceduar penalisht dhe 34 janë shpallur në kërkim.   

Janë kapur në total 30 persona në kërkim, nga të cilët: 27 në kërkim kombëtar dhe 3 në kërkim ndërkombëtar. 

 Janë zhvilluar 17 operacione policore të koduara: “Shadoë”, "Driver", "Autostop", "Streha", "Threat", "Free Road 2", "Location", "Zaranika", “Kubikët”, “Otima”, “Rrjeta”, "Grabiani", "Stafeta", "Post Office", "Perimetri 187", "Restart 11" dhe "Restart 11" (vijim).

Si rezultat i operacionit policor të koduar "Zaranika", shërbimet e Policisë lokalizuan dhe vunë në pranga autorin e vrasjes së shtetases J. E., të ndodhur më 30.07.2022, në Elbasan;

Sekuestrohen nga Policia e Korçës, në kuadër të operacionit “Restart 11”, 101 kg kanabis të fshehura në shufra plastike, në rimorkion e një kamioni, me qëllim trafikimin e saj drejt Turqisë, vihen në pranga 3 shtetas.

 Finalizohet nga Policia e Shtetit, operacioni policor i koduar “Shadow”- Përdorte rrjetet sociale për thirrje për kryerjen e veprave me qëllime terroriste, vihet në pranga;

Strukturat e DVP Tiranë finalizojnë “Driver”, për goditjen e armëmbajtjes pa leje- Sekuestrohen 1 armë zjarri kallashnikov, krehër dhe municion luftarak; vihet në pranga drejtuesi i automjetit ku u gjetën arma dhe municioni luftarak, procedohen penalisht 2 pasagjerët;

Shërbimet e Policisë kanë vijuar edhe gjatë kësaj jave, kontrollet në të gjithë vendin, me qëllim parandalimin, evidentimin dhe goditjen e veprimtarive kriminale në fushën e narkotikëve.

“Rrjeta”/Tropojë- Qarkullonin me rreth 8 kilogramë kanabis dhe armë zjarri në automjet, vihen në pranga 3 shtetas;

“Kubikët”/Krujë-Kultivoi në tokën në pronësi të tij, 300 bimë kanabisi në kubikë, vihet në pranga;

 "Autostop"/Tiranë-Sekuestrohen 3.4 kg kanabis; vihet në pranga 1 shtetas, procedohen penalisht 2 të tjerë;

 "Grabiani"/ Divjakë- Sekuestrohet një sasi lënde narkotike kanabis, vihen në pranga 2 shtetas;

 "Otima"/Vlorë- I shpallur në kërkim për 10 kg kanabis dhe një armë zjarri, kapet dhe vihet në pranga 62-vjeçari, i cili u kap duke kultivuar sërish bimë narkotike./CNA.al





Lajmet e fundit nga