E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Rrogëtari i Ramës jep alarmin/ Pas avionëve dhe pistave me guriçka, duan të rrëzojnë Ramën

6 Gusht 2022, 16:54, Aktualitet CNA

Rrogëtari i Ramës jep alarmin/ Pas avionëve dhe pistave me

Foto ilustruese

Dritan Hila, ish-zëvendësministri qesharak i Ramës, që dikur fliste në konferenca publike për pista me guriçka, ku nuk uleshin dot avionet që ngarkoheshin me drogë, ka zbuluar një skenar të madh.

Deklarata e tij qesharake për vija të bardha e policë ujorë ka qenë manipulim dhe ngjarja po bëhet më e madhe që të rrëzojë Ramën.

Edi Rama dhe Dritan Hila

Ne te CNA.al kujtuam se Rama kishte hedhur në kosh një nga servilat e tij më të neveritshëm. Që kur iku si qesharak nga zëvendësministër sulmet ndaj kryeministrit i kishte mjaft të ashpra, për shembull kujtojmë:

“Shumë interesante kjo gjetja e Edit që Shqipëria pas këtij ligji do jetë më e pastër. Po çfare i pengonte industritë e riciklimit deri tani, o gjeni, që të pastronin Shqipërinë? Se nuk ka pasur ligj që i ndalonte, o fati ynë. E cila është ajo agjenci e BE që certifikoka plehnaxhinjtë o i zgjuari ynë? Kaq koqe kandari e mendon këtë milet, xhanëm?!”, ka shkruante Hila në rrjete sociale.

“Not in my name. Sot kisha mandatin për të marrë pjesë në kongres. Nuk vajta. Nuk mund të isha pjesë e një farse që hapet nga Erjon Veliaj, shkatërruesi i parkut dhe përfaqesuesi i lobeve të betonit. Nuk doja ta shikoja këtëe tallje që Edi Rama po i bën të majtës duke e përshëndetur me Erion Veliajn”, shprehej Hila në një nga deklaratat e tij, ku tregonte hapur mllefin ndaj kolegëve socialistë.

“E kam thënë tezën që Rama duhet ndalur dhe nuk e tërheq”, ka qenë një tjetër deklaratë e Hilës kundër Ramës.

Sot, Hila, një servil i paepur pushteti, që veten e konsideron analisit me rëndesi e opinionist, në fakt thjesht është në delirin e dikujt që nuk të bënë më as për të qeshur si me guriçkat.

Tani s’dihet çfarë i ka ngelur se për të qarë s’ka më nevojë. Pension psikologjik i parakohshëm nga panevojshmëria për të qenë në fushën e medias, sepse nuk e konsideron më askush, edhe pse janë miliona e miliona të financuara e humbura kot për të, si i panevojshëm, në fakt janë për Rudinën e ZP-së, se për Hilën, korrupsioni i pushtetit, nuk do jepte as bakshishet e një kamarieri, në periferi.

Në një reagim të tij Hila sot shkruan, “Lidhja e emrit tim me qeverinë Rama, duke manipuluar faktet, nga momenti që shteti ndërmori hapat institucionalë për të zbardhur ngjarjen dhe dënuar autorin, ka si qëllim të sajojë një target që i çon tek Rama dhe të nisin demontimin e shtetit”.

Kush është gënjeshtra këtu?

Që Hila ka qenë zëvendës ministër Mbrojtjeje dhe ka folur për guriçka kur avionët me drogë pushtuan Shqipërinë?

Foto ilustruese

Deklarata është publike.

Kush është gënjeshtra këtu, që Hila sulmoi Ramën kur e hodhi në kosh si të pavlerë?

Kush është gënjështra këtu, që Hila në një dalje publike justifikoi një krim të një personi me uniformë që kishte hyrë brenda territorit të rrethuar ku nuk lejohet lundrimi?

Apo me keq akoma na foli për vija të bardha e policët në det.

E në rast se nuk e di ky servil i klonuar i Rilindjes se ka dhe më të pështirë, qeveria shqiptare paguar disa miliona euro në vit për sigurinë në bregdet, ka strukturë Policia e Shtetit, ka strukturë Ministria e Turizmit, jepen licensa paguhen taksa, ofrohen shërbime në këtë fushë.

Po çfarë mund të dijë i padituri i paepur i Edi Ramës, që çfarë nuk bën e thotë për një kockë nga kasapana e qeverisë.

Çfarë mund të presësh nga një njeri që argëtimin e arrogancën dhe paturpësinë e një komisari të policisë e mbron duke thënë se ngjarje të tilla ndodhin në të gjithë botën.

Ky është njeriu që në vitin 2016, sulmonte Edi Ramën, lart e poshtë dhe sot mban ison e vrasësve dhe larg qoftë të thotë ndonjë fjalë kundër qeverisë, dhe kundër vrasësve të vërtetë./ CNA.al