web counter
LEXO PA REKLAMA!

SHKARKO APP

App Store
Google Play

Shqipëria vend i vështirë për biznes/ Crawford: Korrupsioni pengon kompanitë amerikane që të investojnë këtu

5 Gusht 2022, 20:48, Aktualitet CNA
Shqipëria vend i vështirë për biznes/ Crawford: Korrupsioni
Ish-presidenti i Dhomës Amerikane të Tregtisë, Mark Crawford

Ish-presidenti i Dhomës Amerikane të Tregtisë, Mark Crawford thotë se korrupsioni është një pengesë për kompanitë amerikanë, që të vijnë dhe të investojnë në Shqipëri.

Në një intervistë për “Euronews Albania”, Crawford u shpreh se kompanitë e mëdha amerikane nuk investojnë në mënyrë direkte në vendin tonë, për shkak të korrupsionit, megjithëse tha se mund të bashkëpunojnë me kompani shqiptare.

“Është diçka që ka qenë edhe gjatë periudhës që unë kam qenë në Shqipëri, nuk pengon investitorët, por duhet përmirësuar. Është diçka e lidhur me korrupsionin, është një pengesë për amerikanët dhe për të gjithë investititorët e huaj. Ajo është përmendur nga DASH për shkak të korrupsionit dhe është diçka më e gjerë se pikëpamja ime.

Unë besoj se ka ndikuar shumë korrupsioni sepse nuk kemi investime direkte, por kemi bashkëpunim. Është e vështirë që kompanitë e mëdha të investojnë në mënyrë direkte, por mund të bashkëpunojnë me kompani shqiptare”, theksoi ai.

Shqipëria cilësohet si vend i vështirë për të bërë biznes në raportin e Departamentit Amerikan të Shtetit.

Raporti flet edhe ndikimin destabilizues që ka shkaktuar në ekonomi ish-kryeministri Sali Berisha gjatë muajve të fundit për shkak të përplasjes në Partinë Demokratike./CNA.al





Lajmet e fundit nga