Flet Arjan Tase/ “Nëse skafi do të ishte rrotulluar në anën tjetër, do të kisha vrarë edhe familjen time”

5 Gusht 2022, 14:52, Aktualitet CNA

Flet Arjan Tase/ “Nëse skafi do të ishte rrotulluar në

Në seancën gjyqësore ku priste masën e sigurisë, Arjan Tase i ka këkruar falje familjes Avdia dhe u ka shprehur ngushëllimet.

Falje, Tase, mësohet se i ka kërkuar edhe Policisë së Shtetit, siç raportojnë gazetarët që kanë ndjekur seancën gjyqësore.

“Dua t’i kërkoj falje familjes së të miturës për tragjedinë që i kam shkaktuar. Nuk do të doja kurrsesi të kishte ndodhur ajo që ndodhi. Nuk dua të mbrohen dhe nuk do pretendoj asnjë rrethanë lehtësuese. Dua t’ju kërkoj ndjesë edhe të gjithë kolegëve të policisë së shtetit të prekur nga kjo situatë. Nuk duhet të ndodhte kurrsesi, por fati im i keq”, është shprehur ai.

Më tej ai ka folur për rrethanat në të cilat ka ndodhur ngjarja. 

“Në det ishte gruaja me djalin e madh dhe motra me dy fëmijët. Nëse skafi do të ishte rrotulluar në anën e kundërt do të kisha vrarë familjen time”, ka thënë ai./CNA.al

Lajmet e fundit nga