E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Shkresa-“Policia nuk mund të jetë e vetmja përgjegjëse”/ Nano “kërcet” dhëmbët pas krimit në Himarë

5 Gusht 2022, 15:02, Aktualitet CNA

Shkresa-“Policia nuk mund të jetë e vetmja

Drejtori i Përgjithshëm i Policisë së Shtetit, Gledis Nano, është vënë në lëvizje pas vrasjes së 7-vjeçares në plazhin e Potamit në Himarë.

Jonada Avdia u përplas për vdekje nga skafi që drejtohej nga komisari i Policisë, Arjan Tase.

Në këto rrethana, Nano pasi ka zbritur vetë në terren po kërkon përgjegjësi edhe tek institucionet e tjera ndërlidhëse në patrullimin e bregdetit.

Me anë të një shkrese drejtuar Agjencisë Kombëtare të Bregdetit, Nano ka kërkuar bashkëpunimin e të gjitha institucioneve ligjzbatuese për të pasur një sezon të sigurtë.

Më tej në shkresë kërkohet që Policia e shtetit të informohet për çdo parregullsi, ndërsa nënvizon se Policia e shtetit nuk mund të veprojë e vetme dhe as nuk mund të jetë e vetmja përgjegjëse, nëse hallkat ndërinstitucionale nuk bashkëpunojnë dhe nuk zbatojnë ligjin.

Shkresa:

“Siguria në det, plazhe dhe ujërat e brendshëm në thellësi të territorit shqiptar, është prioritet i veprimtarisë së vendit tonë. Për të garantuar dhe siguruar jetën e qytetarëve dhe të pushuesve, përgjatë sezonit turistik dhe jo vetëm, kërkojmë bashkëpunimin dhe angazhimin e të gjitha hallkave institucionale për të monitoruar, kontrolluar zbatimin e ligjit dhe të akteve nënligjore në fushën e turizmit.

Policia e Shtetit si aktor i rëndësishëm në ruajtjen e rendit dhe sigurisë do të vijojë të ndërmarrë dhe penalizojë shërbime policore 24 në 24 orë, në të gjitha territoret e plazheve dhe zonave turistike. Për të arritur rezultate Policia e Shtetit duhet të informohet periodikisht mbi masat e marra nga institucionet përgjegjëse (detyrim i cili nuk rezulton të jetë zbatuar nga institucionet drejtpërdrejt përgjegjëse, për asnjë rast), të cilat lejojnë licensimin për zhvillimin e aktiviteteve dhe turizmit detar, pajisjen me leje drejtimi të pajisjeve motorike lundruese, përcaktimin e zonave të ndaluara për lundrim dhe ankorim të mjeteve lundruese, si dhe çdo aktivitet tjetër që lidhet me hapësirën detare. Duhet të informohen të gjitha organet ligjzbatuese për çdo shkelje apo moszbatim të ligjit nga çdo subjekt publik apo privat.”/CNA.al\