E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Vrasësi me uniformë i mori jetën 7-vjeçares/ Nano del duke monitoruar zonat turistike me dylbi

6 Gusht 2022, 16:30, Aktualitet CNA

Vrasësi me uniformë i mori jetën 7-vjeçares/ Nano del duke

Kreu i Policisë së Shtetit, Gledis Nano

Kreu i Policisë së Shtetit, Gledis Nano, sot ka inspektuar pikat turistike, ku në mesditë ka zhvilluar një takim me efektivët e Stacionit të Policisë Shëngjin dhe më pas me efektivët e Stacionit të Policisë Kufitare Shëngjin, të cilët mbulojnë zonën bregdetare në qarkun Lezhë.

Pas tragjedisë, Nano ka zbritur vetë në terren për të kontrroluar situatën në plazhe.

Ai ka kërkuar nga drejtuesit e strukturave, si dhe nga efektivët, angazhim dhe përkushtim, për zbatimin me rigorozitet të detyrave dhe masave shtesë të caktuara nga Drejtoria e Përgjithshme e Policisë së Shtetit, me qëllim parandalimin e ngjarjeve që cenojnë jetën dhe shëndetin e pushuesve në plazhe e zona turistike.

“Punoni me përkushtim dhe përgjegjësi, pasi detyra që kryeni është sa e vështirë, aq edhe fisnike.

Me punën, angazhimin dhe ndershmërinë tuaj keni në dorë jetën e sigurinë e qytetarëve, imazhin e Policisë së Shtetit, si dhe të vendit në tëresi. Ky është privilegj, po aq edhe përgjegjësi, ndaj mos neglizhoni askënd, cilido qoftë, zbatoni ligjin e vetëm ligjin dhe shërbejuni qytetarëve me përkushtim e humanizëm”, ka thënë Nano.

Vetë Nano, bashkë me drejtuesit e policisë vendore dhe kufitare, ka inspektuar nga afër masat shtesë. Gjatë vrojtimit me dylbi dhe kamera nuk është konstatuar asnjë mjet lundrues në zonat ku ka pushues./A.E- CNA.al