web counter
LEXO PA REKLAMA!

SHKARKO APP

App Store
Google Play

E fundit!

x

 Ngjarja e Himarës/ Luli “fle” gjumë, asnjë reagim

6 Gusht 2022, 21:02, Aktualitet CNA
 Ngjarja e Himarës/ Luli “fle” gjumë, asnjë
Lulzim Basha

Ngjarja e rëndë e ndodhur para pesë ditësh në Potam të Himarës, tronditi mbarë opinionin publik.

Humbja e jetës së vogëlushes 7-vjeçare nga skafi i punonjësit të policisë kur po lahej në breg të detit, preku dhe njëherësh irritoi gjithë shqiptarët.

Të gjithë në mënyrat e tyre reaguan dhe shprehën indiniatën e tyre.

Dikush në rrjetet sociale, të tjerë protestuan në shesh, ndezën qirinj e hodhën lule, marshuan në heshtje, ngritën gishtin duke nxjerrë dhe kërkuar përgjegjësit, secili sipas mënyrës së tij, të gjithë reaguan, nuk heshtën, përveç një personi.

Ish-kryetari i PD-së, kandidat për kryeministër, Lulzim Basha, deri më tani nuk ka bërë asnjë reagim. Asnjë fjalë, megjithëse është vetë baba i dy vajzave.

Basha mesa duket fle, ka kohë që është në gjumë letargjik.

Fle si ariu, por edhe ariu zgjohet në verë.

Ariu fle në dimër, ndërsa Luli fle në çdo stinë të vitit.

“Fle” për këtë ngjarje tragjike, mesa duket për të mos shqetësuar njeriun e tij të aleancave, Ramën.

Që të mos i prishë kreut të qeverisë qetësinë ashtu siç po ia prishin qytetarët sa në protesta dhe në reagimet e tyre në rrjetet sociale.

Jemi mësuar me gjumin e Lulit, për sa i përket keqqeverisjes dhe aferave të qeverisë, por të ‘flesh’ edhe për këtë ngjarje tragjike, të mos kesh ndjeshmëri njerëzore dhe prindërore, këtë vetëm Luli mund ta bëjë./CNA.al

 





Lajmet e fundit nga