LEXO PA REKLAMA!

SHKARKO APP

E fundit!

x

Aksidentet automobilistike/ Flet kirurgu: Bilanc lufte, vetëm në korrik janë 310 raste

6 Gusht 2022, 18:03, Aktualitet CNA
Aksidentet automobilistike/ Flet kirurgu: Bilanc lufte, vetëm në
Zamir Demiraj, kirurg në spitalin e Traumës

Periudha e verës është gjithmon problematike, përsa i përket numri të aksidenteve. Ka një një shtim të rasteve dhe kjo vjen nga përdorimi i shpejtësisë tej normave të lejuara, parakalimet e gabuara, mungesa e sinjalistikës, përdorimi i telefonit. Të gjitha këto kanë shkaktuar rritje të numrit të aksidenteve. Rritje ka pasur dhe numri i të plagosurve.

Gjatë periudhës së verës, urgjenca e Traumës përballon një fluks të shtuar të aksidentuarish.

Vetëm në korrik numri i të plagosurve që janë trajtuar në këtë spital është rritur me 12% krahasuar me të njëjtën periudhë të një viti më parë.

Zamir Demiraj kirurg në spitalin e Traumës thotë se vetëm në këtë muaj u paraqitën 310 të dëmtuar nga aksidentet.

“Kemi rreth 310 raste të aksidenteve automobilistike të paraqitur në spital. Nëse do të krahasojmë me një vit më parë në periudhën janar-korrik apo vetëm thjesht muajin korrik kemi një rritje të numrit të aksidenteve”, tha mjeku, për abcnews.

Mjeku thotë se 20-30 vjeçarët janë ata që shfaqin dëmtimet më serioze. Sipas tij kjo grup moshë është më e padisiplinuar në drejtimin e mjetit.

“Për sa i përket grup moshave rastet me aksidente automobilistike janë kryesisht moshat e reja, 20-30 vjeçarët”, tha ai.

Fatmirësisht numri i vdekjeve është ulur në spitale. Për periudhën Janar- Korrik te trauma humbën jetën 21 persona./CNA.al

Lajmet e fundit nga