web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në Shkodër/ Bardh Spahia sqaron situatën, thirrja për banorët

8 Gusht 2022, 22:52, Aktualitet CNA
Zjarret në Shkodër/ Bardh Spahia sqaron situatën, thirrja
Foto ilustruese

Kryetari i Bashkisë së Shkodrës, Bardh Spahia ka informuar qytetarët mbi situatën e zjarreve në Shkodër.

Spahia shprehet se dëmet janë të shumta në sipërfaqet e gjelbërta, dhe zjarri ka prekur disa banesa, por me rëndësi është që nuk ka patur cënim të jetëve njerëzore.

Ndër të tjera, kryetari i bashkisë u bën thirrje banorëve që të mbrojnë territorin nga zjarret dhe të denoncojnë çdo veprim të paligjshëm, që të mos rrezikohen jetët dhe pronat nga zjarret.

“Jemi përballur gjatë këtyre orëve me një situatë aspak të zakontë që krijuan vatrat e zjarreve në disa njësi administrative të Bashkisë Shkodër.

Fatkeqësisht dëmet rezultuan të shumta në sipërfaqet e gjelbra, ndërsa u prek pjesërisht një shtëpi banimi në njësinë administrative Berdicë, dhe u rrezikuan seriozisht banesat e tjera. Fatmirësisht ia dolëm të mos kemi cenim të jetëve njerëzore, që është kryesorja në të tilla situata.

Falënderoj me mirënjohje pa fund të gjithë efektivët e repartit zjarrfikës Shkodër, që në të gjitha këto ditë kanë dëshmuar profesionalizëm, sakrificë dhe përkushtim maksimal në kryerjen e misionit të tyre. Do të përpiqem maksimalisht që si kryetar i Bashkisë Shkodër t’u gjindem pranë në përmirësimin e kushteve të punës dhe për një trajtim dinjitoz sa u përket pagave dhe orëve shtesë. Gjithashtu mirënjohje për të gjithë drejtorinë e shërbimit pyjor në bashki, që u angazhuan me kapacitet të plotë në përballimin e këtyre situatave.

Për banorët e Bashkisë Shkodër kam një thirrje që u drejtohet të gjithëve pa përjashtim, mbroni territorin nga zjarret, denonconi çdo veprim të paligjshëm dhe kontribuoni që të mos rrezikojmë jetët, shtëpitë dhe pronat nga zjarret që në këto temperatura ekstreme, përhapen me shpejtësi”, ka deklaruar Bardh Spahia./ CNA.al





Lajmet e fundit nga