LEXO PA REKLAMA!

SHKARKO APP

E fundit!

x

“Open Ballkan” do të çajë detet dhe oqeanet me flamur shqiptar/ Thirrja e fortë e Gjergj Lucës, për liderët e Ballkanit

8 Gusht 2022, 15:06, Aktualitet CNA

“Open Ballkan” do të çajë detet dhe oqeanet me

Shqipëria ka shkruar histori sot në industrinë navale duke blerë një nga anijet më të njohura eksploruese në botë.

Gjergj Luca, në ceremoninë zyrtare të ngritjes së flamurit shqiptar në Norvegji, deklaroi se kjo anije do të emërohet "Ballkani i hapur" e do t’u shërbejë me kapacitet të plotë detarëve shqiptarë, por edhe studiuesve dhe studentëve nga vende të ndryshme të gadishullit.

“Ky është një eveniment i madh për të gjithë Shqipërinë. Se të ngrihet një flamur mbi një anije, do të thotë se kjo anije është territor shqiptar. Dhe nuk është ngritur në një anije dosido. Kjo anije ka qenë legjenda e deteve të Veriut, ka qenë anije e shtetit norvegjez, e cila ka studiuar të gjithë detet e botës me shkencëtarët, me studentët.

Më në fund Shqipëria dhe të gjitha detet që lagen nga mesdheu do të kenë një anije studimesh që bën me dhjetëra operacione duke marrë kampione nga fundi i ujit në 2500 metër thellësi”, ka thënë Luca.

Anija "Open Balkan" tashmë do të çajë detet dhe oqeanet me flamurin shqiptar.

Luca më tej ka treguar se përse i ka vënë emrin "Open Ballkan".

“I kemi vënë një emër ashtu siç e meriton, sepse ka bashkuar brenda të gjithë shkencëtarët e rruzullit tokësor për studime. Ne këtë anije duam ta bekojmë me një emër që na intrigon, që na ngacmon që kemi dëshirë të na bëjë të gjithëve bashkë dhe i kemi vënë emrin 'Open Ballkan'. Le të jetë kjo anije dallëndyshja e parë që do të bëjë bashkë studentët, që do të bëjë bashkë shkencëtarët, profesorët në të gjithë ballkanin edhe në vendet që nuk ka det.

Do t'i vihet në dispozicion të gjithë rinisë për të ardhur për të studiuar, për të pasur mundësi për të dashuruar detin, për t'i dhënë mundësinë që deti pa kufi të bëhet një nismë për të gjitha gardhiqet që ne kemi në mendësinë tonë dhe të thyjnë këto kufij”, është shprehur Luca.

Ai u ka bërë thirrje liderëve të ballkanit për paqe dhe bashkim.

“Dhe nëpërmjet kësaj dallëndysheje unë u bëj thirrje me gjithë shpirt liderëve të ballkanit që datën 1 shtator ta kthejnë në një ditë bashkimi dhe paqeje”, ka apeluar Luca./CNA.al

Lajmet e fundit nga