LEXO PA REKLAMA!

SHKARKO APP

E fundit!

x

Komisioni për Inceneratorët/ Kryemadhi: Vazhdim i marrëveshjes së 17 majit mes Bashës e Ramës

21 Shkurt 2022, 18:20, Aktualitet CNA

Kryetarja e LSI-së, Monika Kryemadhi ka reaguar lidhur me zhvillimet më të fundit në komisionin Hetimor për Inceneratorët.

Kryemadhi shkruan se rrjedha e marrë në debate po i ngjante asaj të 17 Majit ku Basha dhe Rama arritën një marrëveshje.

 ?Besoj e mbani mend 17 Majin kur Basha braktisi demokratët në çadër për të bashkëqeverisur me Ramën. Zhvillimet në komisionin hetimor parlamentar po duken fiks si një vazhdim i kësaj lidhjeje të veçantë e të fshehtë. Zbardhja e së vërtetës për inceneratorët nuk duhet të dështojë, siç dështoi mbrojtja e Teatrit Kombëtar Loja politike mes qeverisë dhe kunat-opozitës nuk duhet lejuar të deformojë drejtësinë e re?, shkruan Kryemadhi në rrjete sociale.

Një thirrje kryetarja e LSI ka pasur për SPAK.

?Inkurajoj SPAK të veprojë mbi faktet pa humbur kohë! Këtu ndahet historia, duke treguar nëse jemi duke ndërtuar një shtet të së drejtës evropiane, apo drejt instalimit final të kapjes së shtetit, drejtësisë, opozitës?, shkruan më tej ajo./E.T-CNA.al

 

Lajmet e fundit nga