web counter
LEXO PA REKLAMA!

SHKARKO APP

App Store
Google Play

Basha hesht përballë lidhjeve me Alqi Bllakon/ I dha tender pa garë ‘Viktoria Invest’

21 Shkurt 2022, 12:37, Aktualitet CNA

Lulzim Basha refuzoi të jepte një përgjigje interesimit tw gazetarwve se përse ai dhe mbështetësit e tij nuk përmendin emrin e Alqi Bllakos dhe aferën 15 milionë euro të shndërrimit të Porto Romanos në ?Eko Park?.

Sipas Syri tv, tenderi i dyshimtë për rehabilitimin e landfillit të Porto Romanos në Durrës, me vlerë rreth 19 miliardë lekë të vjetra, është fituar nga kompania italiane ?De Mare? dhe ajo shqiptare, ?Victoria Invest?.

Procedurat u mbyllën në Janar të vitit 2020 nga Agjencia Kombëtare e Mbetjeve, e cila në atë kohë drejtohej nga Alqi Bllako. ?De Mare? është një kompani bashkëpunëtore e ngushtë e klanit të incineratorëve, përfaqësuar nga i arratisuri Klodian Zoto.

Ndërsa ?Victoria Invest? është një kompani shumë pranë deputetit Lulzim Basha. Në media është raportuar gjerësisht se kompania e Fatmir Kuçit i ka dhënë Bashës automjetin, me të cilin ai lëviz.

Por kjo nuk është e vetmja lidhje mes Zotos, Bllakos dhe kompanisë ?Victoria Invest?. Pak kohë më parë, Agjencia Kombëtare e Mbetjeve, iu përgjigj interesit mediatik për procedurat e ndjekura në tenderin 15 milionë euro të Porto Romanos.

Bllako vendosi të zhvillonte një tender pa garë, duke e justifikuar me emergjencën e shkaktuar nga tërmeti. Agjencia e Mbetjeve ftoi për të marrë pjesë në tender kompanitë; ?De Mare? srl, e cila sapo ishte regjistruar në Shqipëri; ?Victoria Invest?, dhe ?Integrated Technology Service?, e Klodian Zotos.

Pas kësaj ftese institucionale, ?De Mare? srl dhe ?Victoria Invest? bashkohen, duke u vendosur në një përballje fiktive me Zoton.

Dukej qartë që, në çdo rast, tenderi 15 milionë euro i Alqi Bllakos do të përfundonte në duart e klanit të incineratorëve.

E vetmja gjë e re në atë tender ishte përfshirja e ?Victoria Invest?, e pozicionuar shumë pranë Lulzim Bashës./Syri tv





Lajmet e fundit nga