web counter
LEXO PA REKLAMA!

SHKARKO APP

App Store
Google Play

E fundit!

x

“Rama ju gënjeu me nje ligj tinzar”/ Bylykbashi: Durrësi duhet t'ju kthehet qytetarëve

20 Shkurt 2022, 16:56, Aktualitet CNA

Lideri historik Sali Berisha po zhvillon një takim me banorët e zonës së ish- Kënetës në Durrës, teksa ka prezantuar kandidatin e ?Shtëpisë së Lirisë? Ardian Muka.

Deputeti i Partisë Demokratike, Oerd Bylykbashi gjatë fjalës së tij u shpreh se është momenti i duhur për t’ju marrë nga duart qytetin e Durrësit, qeverisë hajdute.

“Para më shumë se 8 vitesh erdha këtu para jush si kandidat i Partisë Demokratike’ , erdha dhe pashë një realitet trondistës, dhe ajo çfarë më bëri përshtypje ishte se ju e shikonit veten tuaj të shkëputur nga qyteti i Durrësit, të lënë në diskriminim të thellë nga Bashkia e Durrësit.

Ju nuk e ndjenit veten qytetarë të qytetit të Durrësit. Atëherë bëmë një premtim, jo unë por Berisha ju bëri një premtim, që do të sjellim infrastrukturën në çdo cep të zonës tuaj.

 Ju e mbani mend shumë mire se si Rama ju gënjeu me legalizimet, por shumë prej jush nuk e dinë se si me një ligj tinëzar Edi Rama ju la faturën gjoja falas të legalizimit në regjistrat e hipotekës, ju ka lënë një çengel per të cënuar të drejtën tuaj të pronësisë.

Është një veprim tinëzar i cili vetëm një njeri që nuk i intereson e drejta e shtatasve, mund ta bëjë.

Por me fitoren e Partisë Demokratike fillimisht me 6 Mars dhe me fitoren e Bashkisë Durrës, me në krye Ardian Mukën, dhe më pas më rrezimin e kësaj qeverie hajdute që drejtohet nga krye i korruptuari në këtë vend, ne do të zhdukim çdo lloj pengese mbi të drejtën për tu bërë qytetarë të Durrësit si çdo njeri tjetër.

Jam i sigurt se me vullnetin tuaj ne do t’i bindim të gjithë që Durrësi pas 22 vitesh duhet t’ju kthehet qytetarëve, t’ja marrim Vangjush Dakos, Edi Ramës dhe kukullave të tyre”, u shpreh Bylykbashi./E.T-CNA.al

 

 

 





Lajmet e fundit nga