web counter
LEXO PA REKLAMA!

SHKARKO APP

App Store
Google Play

E fundit!

x

Pranverë në fundjavë/ Rriten edhe më shumë temperaturat  

19 Shkurt 2022, 14:32, Aktualitet CNA

Edhe pse jemi në muajin Shkurt kjo fundjavë sjell temperatura pranverore. Përsa i përket temperaturave të ajrit në orët e para të mesditës pritet të ngjitet deri në 18 apo 19 gradë Celsius në ultësirën Perëndimore ndërsa në zonat malore pritet që termometri të ngjitet në orët e mesditës edhe në 14 gradë Celsius.

Sipas meteorologut Hakil Osmani, përsa i përket vlerave minimale në zonat malore do të kemi një rritje të ndjeshme të tyre duke bërë që ato të regjistrojnë edhe dy apo tre gradë Celsius ndërsa në ultësirën Perëndimore do të luhaten nga 9 deri në 13 gradë Celsius. Përsa i përket kushteve atmosferike gjatë ditës së shtunë do të jemi kryesisht në dominimin e kthjellimeve, kalimeve të pakta të vranësirave më të dukshme këto do të jenë në orët e mbrëmjes.

Dita e dielë i bën më të shpeshta vranësirat në territorin shqiptar ku në orët e pasdites dhe mbrëmjes pritet që vranësirat  herë pas here të pësojnë zhvillime duke sjellë reshje të pakta dhe të izoluara.

Këto në zonat veriore dhe pjesërisht ato qëndrore. Përsa i përket parametrit të erës pritet që era të pësojë një fuqizim të saj të përkohshëm në orët e mbrëmjes së ditës së shtunë dhe mëngjesit e ditës së dielë duke bërë që të jetë një erë me shpejtësi edhe 45 km/orë duke sjellë në det një valëzim 2-3 ballë./A.E-CNA.al





Lajmet e fundit nga