web counter
LEXO PA REKLAMA!

SHKARKO APP

App Store
Google Play

E fundit!

x

Subashi për 5 orë në SPAK/ Gazetari zbulon skandalin

18 Shkurt 2022, 17:44, Aktualitet CNA

Kryebashkiaku Armando Subashi për 5 orë është marrë në pyetje nga SPAK në lidhje me inceneratorin e Fierit. Pas daljes nga SPAK, Subashi ka deklaruar për mediat se do të paraqitet për të dëshmuar sa herë të thirret nga drejtësia.

Por çfarë ndodhi në dyert e SPAK?

Gazetari Arsen Rusta ka zbuluar prapaskenat dhe skandalin se si janë kujdesur që të fiken dritat pasi Armando Subashi ka mbaruar deklarimet në SPAK, që media të mos xhirojë dhe t?i tregojë publikut se një zyrtar i shtetit po merret në pyetje.

Rusta ka shpërthyer ndaj oficerit të BKH duke shkruar se ai ka tradhtuar publikun dhe se ka përdhosur median.

Në përmbyllje të postimit të tij në rrjetet sociale, Rusta iu drejtohet kreut të SPAK, Arben Kraja, drejtueses së BKH-së Aida Hajni dhe ambasadores së SHBA, Yuri Kim, nëse janë vënë në dijeni për këtë veprim të oficerit përdhosës ndaj medias dhe publikut.

?Turpi i byrosë kombëtare të hetimit!!!

Nga byroja e hetimet në byroja e favoreve të ndyra në kurriz të publikut.

Oficeri me prokurorin kujdesen të fikin dritat kur Armando Subashi mbaron deklarimet në Spak.

E dini pse?

Të mos e xhirojë media për ti treguar publikut që zyrtari i lartë merret në pyetje.

O oficeri faqezi i BKH-s të dështoi plani. O e urdhëroi prokurori o e urdhëroi Subashi.

Ja ke fiks atë që fshehe. Subashi para kamerave. Flm kolegëve që pas 5 orë pritje u ndamë në dy grupe dhe xhiruam zyrtarin.

Ti oficer faqezi që merr 2 mijë euro rrogë e shumë benefite sot tradhëtove publikun dhe përdhose median.

Por ti je thjesht faqeziu i radhës!!!

Turp të kesh.

Reforma në drejtësi e mbështetur nga SHBA sishte për ty oficer BKH faqezi e i ulët që i fik dritat medias.

A di gjë z.Arben Kraja

Znj.Aida Hajna

Ambasada e SHBA

Për këtë oficer dhe veprimin e tij përdhosës ndaj medias e publikut?, shkruan Rusta./A.E-CNA.al





Lajmet e fundit nga