web counter
LEXO PA REKLAMA!

SHKARKO APP

App Store
Google Play

E fundit!

x

Kush po i fsheh Zoton dhe Gugallen?/ Interpol: Nuk janë në kërkim ndërkombëtar

18 Shkurt 2022, 13:21, Aktualitet CNA

Pas një hetimi të SPAK në lidhje me inceneratorin e Elbasanit, është vënë në pranga ish-ministri i Mjedisit Lefter Koka si dhe janë shpallur në kërkim dy persona. Stela Gugallja, pronarja e inceneratorit të Elbasanit, dhe Klodian Zoto, personi që ka ndërtuar inceneratorin nëpërmjet kompanisë ITS.

Por, ndërkohë, mësohet se edhe pse ka kaluar afati 30 ditor i kërkimit nga policia në territorin shqiptar, Klodian Zoto dhe Stela Gugallja nuk janë shpallur në kërkim ndërkombëtar.

Interpol Tirana konfirmoi për MCN se Zoto dhe Gugallja nuk figurojnë në listë.

?Klodian Zoto dhe Stela Gugallja, dy personat më të kërkuar në Shqipëri nuk figurojnë në listën e gjatë prej 1300 shtetasve shqiptarë të shpallur në kërkim nga Interpol Tirana.

Me një kërkim të thjeshtë në faqen zyrtare të Interpol Tirana ne kërkuam për emrat e tyre dhe nuk rezultojnë që emrat e tyre të jenë në listën e gjatë të këtyre personave.

Në fakt lajmin për shpalljen në kërkim ndërkombëtar të këtyre dy personave, në lidhje me çështjen e inceneratorëve e dha zyrtarisht prokuroria e SPAK-ut, por në fakt pikërisht në kohën kur përfundonte afati prej 30 ditësh i kërkimit nga policia brenda territorit shqiptar.?-raporton MCN.

Po ashtu, MCN iu drejtua zyrtarisht Interpol Tirana dhe SPAK për të mësuar mbi këtë fakt.

Ndërkohë që SPAK ka thënë se për çështje në hetim nuk mund të bëhet e ditur asnjë fakt dhe asnjë rrethanë, nga Interpol Tirana konfirmohet se dy të pandehurit nuk rezultojnë të shpallur në kërkim ndërkombëtar.





Lajmet e fundit nga