20 milionë euro shpenzime për punime të pakryera/ Debate në Komisionin për inceneratorët

18 Shkurt 2022, 09:37, Aktualitet CNA

Kryetarja e Komisionit Hetimor për Inceneratorët, Jorida Tabaku ka paralajmëruar kallëzime penale për personat që nuk sjellin informacion apo nuk i përgjigjen ftesës për të dëshmuar, duke iu referuar kështu rastit të administrators së Tiranës, Ariola Kodra e cila nuk u paraqit për të dëshmuar.

Sot radhën për të dshmuar e kishte Viola Haxhiademi, Sekretare e Përgjithshme e ministrisë së Infrastrukturës dhe Energjisë.

Por gjatë dëshmisë së saj nuk kanë munguar debatet mes Tabakut dhe deputetes se mazhorancës, Anila Denaj.

Debati

Denaj: S?mund ta inditimidoni

Tabaku: Nuk ka intimidim fare? Autoriteti përgjegjës për pagesat e ndërtimit të landfillit në Tiranë është përgjegjëse Ministria e Infrastrukturës dhe bashkia Tiranë.

Viola Haxhiademi: Dalin nga bashkia e Tiranës, institucioni jonë është tranzit për të kaluar nga buxheti i shtetit.

Tabaku: Jeni autoritet kontraktues.

Viola Haxhiademi: Tirana është ndryshe nga kontratat e lidhura të Fierit dhe të Elbasanit. Elbasani dhe Fieri janë PPP.

Tabaku: E përmenda? Sa monitorime keni bërë?

Viola Haxhiademi: IZP ka bërë çdo muaj, raporti është shoqëruar me foto dhe detaje për investimet e kryera.

Tabaku: Si pjesë e bilanceve të dorëzuar nga kompania janë vënë re një sërë shkeljesh. 20 milionë euro për punime të realizuar nga inceneratori i Fierit është deklaruar në bilanc, e shkruan vetë. Kanë 20 milionë euro për nënkontraktime të Zotit Klodian Zoto. Nuk mbani përgjegjësi institucioni juaj për pagesat fiktive? 20 milionë euro punime të pakryera i mbartin për vitin tjetër, si janë bërë pagesat pa pasur situacione?

Viola Haxhiademi: Situacione ka dhe janë përgjegjës personat që kanë firmosur për ndjekjen e punimeve

Tabaku: Në koncensionin përkatës, ka ndodhur 2 herë ndryshimi i pronësisë . A ka dijeni për transferimin e aksioneve?

Haxhiademi: S?kam dijeni, e kam dëgjuar për këtë si fakt. Nuk ka asnjë kërkesë për ndryshim të pronësisë.

Tabaku: Pagesat për inceneratorin e Fierit vazhdojnë, inceneratori është kapur në shkelje të rënda. Unë kam konsultuar të gjithë legjislacionin?. Kur procedura është gjykuar korruptive s?ka të drejtë koncensionari ta çojë në arbitrazh. Në momentin e hartimit të kontratës, avokati i popullit u ka çuar institucioneve sugjerime në lidhje me shkeljet./CNA.al