E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Qesharake/ Mediat denoncuan aferën e inceneratorëve, PD kërkon meritën

18 Shkurt 2022, 19:05, Aktualitet CNA

Inceneratorët, afera më e madhe korruptive ka gjetur mbështetje të gjerë jo vetëm tek qeveria, që u ka dhënë miliona euro, por edhe tek opozita.

CNA.al, BIRN dhe TPZ, kanë qenë ndër mediat e para që kanë denoncuar këtë aferë të madhe që rëndon në xhepat e shqiptarëve të varfëruar.

Pas publikimeve të njëpas njëshme në këto tre media, dukej se opozita e Lulzim Bashës nisi të ?zgjohej?, për të denoncuar këto afera. Por kjo nuk zgjati shumë, sepse sa herë që flisnin, ata bliheshin dhe heshtnin.

Ina Zhupa, në datën 1 prill 2018, në kohën kur ishte zëdhënëse e PD në një dalje për mediat nga selia blu denonconte kryebashkiakun e Tiranës Erion Veliaj se ka ndërmarrë një plan dështimi të qëllimshëm për t?i hapur rrugë ndërtimit të inceneratorëve në Tiranë.

?Dështimi i qëllimshem i diferencimit të mbetjeve nga Bashkia Tiranë për të hapur rrugën planit korruptiv dhe klientelist me inceneratoret.

Në vitin 2016 u krijua shoqëria tregtare Eco Tirana Sh.a me pronësi 51% Bashkinë e Tiranës me objekt mbledhjen e diferencuar të mbetjeve fillimisht në zonën brenda unazës, Tirana 1 dhe brenda 18 muajve në të gjithë territorin e Tiranës. Pra në fund të 2017 do e kishim në gjithë Tiranën, kosha të diferencuar dhe diferencimin e mbetjeve ne burim. Kjo do ishte sukses për riciklimin e mbetjeve.

Sot jo vetëm që nuk është përhapur në gjithë Tiranën sic ishte parashikuar dhe premtuar por edhe ne zonën 1 po e deshtojnë në menyrë të suksesshme. Mbledhja nga makinat Eco Tirana bëhet e përbashket në një makinë edhe e koshave blu dhe ato jeshil, që do të thotë materialeve të riciklueshme dhe atyre jo të riciklueshme.

I gjithë deshtimi kërkohej t`ju faturohej sjelljes së qytetareve, por sjellja e kompanisë Eco Tirana me mbledhjen e përbashket dhe mos perhapjen e koshave sipas afateve tregon qartësisht që është plan nga lart. Dhe është plani klientelist dhe korruptiv, si edhe anti shëndet për të ndërtuar inceneratoret e mbetjeve si zgjidhje?, shkruante Zhupa.

Këto denoncime nuk do të zgjasnin për shumë kohë, pasi Veliaj ?ia mbylli gojën? me lejen e ndërtimit që i dha bashkëshortit të saj pas Kullës së Sahatit, shkruan CNA.al.

E ndërsa e gjithë merita i takon medias, e cila nuk ka rreshtuar se denoncuari me fakte aferën më të madhe të shekullit, deputetja e Lulzim Bashës, Dhurata Çupi në një postim në rrjetin social Facebook u shpreh se ka qenë insistimi i PD për të hetuar inceneratorët. ?Falë insistimit të Partisë Demokratike dhe besimit se duhet ndëshkuar afera me e madhe korruptive , afera e Inceneratoreve, sot flitet vetëm për këtê çështje?, shkruan ajo.

Por kush ka qenë iniciativa e opozitës së Bashës për të denoncuar këtë aferë? Në rast se PD dhe deputetët e saj do e kishin marrë më me seriozitet këtë çështje dhe nuk do kishin bërë pazare në kurriz të shqiptarëve, atëherë zbardhja e këtij korrupsioni galopant do të ishte më i shpejtë.

Edhe pse është ngritur një komision hetimor, procesi duket i njëanshëm. Kryetarja e këtij komisioni Jorida Tabaku falë përfitimeve që ka marrë nga Erion Veliaj, nuk e përmend asnjë herë këtë të fundit për abuzimin me inceneratorin e Tiranës, për të cilin edhe pse janë dhënë 22 milionë euro nuk ekziston.

Jo vetëm kaq. Por edhe inceneratori i Fierit nuk është funksional, ndërsa ai i Elbasanit punon part time.

Opozita në vendin tonë ka dështuar. PD duket se ?jeton? vetëm për përfimit e saj dhe jo në interes të qytetarëve dhe kundër qeverisë.

Bashkëqeverisja Rama-Basha ka shkrirë ekzistencën e opozitarizmit, ndërsa deputetja Dhurata Çupi duhet të kuptojë dhe denoncojë se afera e inceneratorëve është shumë herë më e madhe se ajo që ata po denoncojnë. Rrethi i përfshirjes është shumë herë më i madh, aq sa tentakulat janë shtrirë edhe në media, që janë blerë me paratë e qytetarëve për të shfaqur propagandat e përgatitura.

Pra merita dhe iniciativa nuk është e PD, nuk është e Lulzim Bashës dhe deputetëve të tij, por e mediave, CNA.al, BIRN dhe TPZ, të cilat në mënyrë të drejtpërdrejtë kanë denoncuar dhe provuar përfshirjen e qeverisë dhe opozitës në këtë aferë./E.K-CNA.al

Si u grabitën 430 milionë euro/ Skema mafioze, inceneratorët ?rrëzojnë? Qeverinë

Ortakëritë miliona euro të inceneratorëve/ Jorida Tabaku dhe SPAK ?mbrojnë? Vjollca Hoxhën dhe Ben Blushin?

Pse Jorida Tabaku nuk flet për ortakëritë e Vjollca Hoxhës dhe Ben Blushit me inceneratorët?!

Ekskluzive/ Inceneratorët 1.3 milionë dollarë pagesa për kompaninë në pronësi të gruas së Ben Blushit?!

Klodian Zoto në arrati/ Rama-Sako i bëjnë ?dhuratë? 200 mijë euro