web counter
LEXO PA REKLAMA!

SHKARKO APP

App Store
Google Play

“Rama nuk mund ta përjashtojë veten nga përgjegjësia për inceneratorët”/ Këlliçi: Duhet të vijohet me arrestimet

30 Mars 2022, 19:23, Politikë CNA

Deputeti i Partisë Demokratike Belind Këlliçi, në një intervistë televizive ka folur mbi aferën e inceneratorëve. Urdhër arrestin për Alqi Bllakon, ai e quajti një hap pozitiv, por shtoi që kjo duhet të ndiqet nga arrestimi edhe i personave të tjerë si Armando Subashi dhe Engjëll Agaçi.

?Çdo vendim për të çuar para drejtësisë këdo që shkel ligjin është një hap pozitiv, por nuk mundet kurrsesi që kjo aferë të përfundojë me arrestimin dhe ndalimin e gjithë anëtarëve të Komisionit të Vlerësimit të Ofertave. Nëse drejtësia do me të vërtetë të tregojë që është e paanshme dhe e pavarur, nëse duam rritje të besimit qytetarë në drejtësinë e re, nëse një test kaq i vështirë i drejtësisë duhet  të kalohet me sukses, në gjykimin tim çuarja para drejtësisë duhet të vazhdojë duke nisur fillimisht me Armando Subashin. Duhet të çohet para drejtësisë Engjëll Agaçi i cili është i faktuar me dokumente që ka shkelur ligjin?, tha ai.

Këlliçi ka komentuar edhe deklaratën e sotme të kryeministrit Edi Rama se përgjegjësia penale është individuale, duke distancuar kështu veten. Deputeti demokrat u shpreh se ministrat nuk mund të kenë përgjegjësi personale, kur dihet mirë që në këtë vend i vetmi person që mund të ketë fuqinë të detyrojë 17 institucione të japin përgjigje brenda 8-orarshit të punës, nuk mund të jetë asnjë njeri tjetër përveç kryeministrit./ CNA.al





Lajmet e fundit nga