E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Çfarë loje po bën mazhoranca me dorëheqjen e Alqi Bllakos?

30 Mars 2022, 18:55, Politikë CNA

Alqi Bllako, 5 minuta përpara orarit zyrtar të mbylljes së Kuvendit dorëzoime postë kërkesën e tij për dorëzimin e mandatit të deputetit, për ti hapur më tej rrugë SPAK që të veprojë mbi të për aferën e inceneratorëve, ku ai është i përfshirë.

Pas dorëzimit të kërkesës nga Bllako për heqje dorë nga mandati, Kuvendi doli me njoftim zyrtar ku bëri me dije anulimin e mbledhjes së Këshillit të Mandateve dhe Imunitetit.

Por i menjëhershëm ishte reagimi i grupit parlamentar demokrat, të cilët i kërkuan Lindita Nikollës mbledhjen e Këshillit si dhe e ka quajtur vendimin e anulimit të mbledhjes si një akt anti kushtetues dhe pengues për drejtësinë.

?SPAK ka kërkuar heqjen e mandatit për Bllakon. SPAK ka paraqitur më datë 29 .3.2022 këtë kërkese për dhënien e autorizimit për arrestimin e Bllakos, kjo është kërkesë brenda kornizës dhe vendimi duhet të zbatohet.

Pas kësaj kërkesa ka pasur nga kryetarja e kuvendit një urdhër për thirrjem e këshillit të mandateve dhe rregullores. Ende ska vjatur ora 18 dhe në mënyrë të habitshme, edhe për ne, në adresat tona jo më larg se 20 minuta më parë vjen një njoftim ku kryetarja e kuvendit , në mënyrë anti-ligjore, ka vendosur anulimin e mbledhjes së këshillit të mandateve dhe rregullores, që ishte caktuar sot?, tha ndër të tjera Alibeaj. Kjo kërkesë u hodh poshtë nga Nikolla, e cila tha se me dorëzimin e kërkesës për dorëheqje nga mandati i Bllakos, Komisioni nuk ka më objekt shqyrtimi kërkesën e SPAK.

Por çfarë parashikon Kodi Zgjedhor?

Në nenin 164 të Kodit Zgjedhor, është sanksionuar qartë rruga që duhet të ndiqet në rast të ndërprerjes së mandatit dhe zëvendësimit të vakancës.

Aty thuhet se deputeti duhet të paraqitet përpara Këshillit të Mandateve dhe të deklarojë heqjen dorë nga mandati. Pas kësaj, jo më vonë se 30 ditë, Kuvendi njofton KQZ për krijimin e vakancës.

?Mandati i deputetit i fituar sipas neneve 162 dhe 163 të këtij ligji, ndërpritet vetëm për shkaqet e parashikuara në nenin 71 të kushtetutës. Nuk përbëjnë shkak për ndërprerje të mandatit marrëveshjet apo deklaratat paraprake individualeapo kolektive për heqjen dorë nga mandati. Në rastin e shkronjave ?a? dhe ?b? të pikës 2 të nenit 71 të Kushtetutës, deouteti deklaron në mënyrë publike para komisionit përkatës të Kuvendit refuzimin për të bërë betimin ose heqjen dorë nga mandati. Në këtë rast, Kuvendi jo më vonë se 30 ditë, njofton KQZ për krijimin e vakancës?, thuhet në nenin 164 të Kodit Zgjedhor.

Mbledhja e Këshillit të Mandateve

Këshilli i Mandateve, edhe pse me refuzimin e Lindita Nikollës, u mblodh vetëm me anëtarët e opozitës. Alqi Bllako duhet të shkonte sidoqoftë përpara Këshillit të Mandateve, pasi ky këshill duhet të mblidhej për dy arsye:

-ose për të miratuar autorizimin për arrestim

– ose për të dëgjuar dhe pranuar publikishit dorëheqjen nga mandati të Alqi Bllakos.

Lindita Nikolla, kryetarja që duhet të mësoje të lexojë Kushtetutën

Kryetarja e Kuvendit, e cila deklaroi anulimin e Këshillit të Mandateve, së pari duhet të mësojë të lexojë Kushtetutën.

Në nenin 71 të Kushtetutës, tehksohet se mandati i deputetit është i pavlefshëm, kur ai heq dorë, pra para Këshillit të Mandateve, siç e parashikon Kodi Zgjedhor.

Shkresa e dorëheqjes

Por ajo që vlen të theksohet është shkresa e dorëheqjes që Bllako ja dorëzoj Nikollës me postë. Minimumi që duhet të bënte Nikolla ishte që një kopje t?ia u dorëzonte anëtarëve të Këshillit të Mandateve.

Në atë kërkesë ka pasur doreheqje, apo thjesht kanë ndarë një fotokopje letre që nuk i drejtohej Këshillit të Mandateve?

Ajo që mbetet për tu parë në vijim është se çfarë loje është duke bërë këtë herë mazhoranca.

Duke mos zbatuar procedurat ligjore, Lindita Nikolla në fakt ka bllokuar arrestimin e Bllakos.

NUK KA DORËZIM MANDATI pa procedurën e parashikuar në Kodin Zgjedhor.
SPAK nuk mund të kryej arrestimin pa marrë praktikën që vërteton:
1- ose miratimin e arrestimit nga Këshilli i Mandateve;
2- ose dokumentacionin që vërteton dorëzimin e mandatit./E.K-CNA.al