web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi i Gjekmarkajt/ Kapet mat

30 Mars 2022, 13:52, Politikë CNA

Agron Gjekmarkaj, analisti që pasi shau dhe fyeu kryetarin e shkarkuar tashmë, u bë pjesë e PD para zgjedhjeve të përgjithshme të 25 Prillit.

Lëpiu mbi atë që pështyu derisa e pa veten në listat e kandidatëve për deputetë.

Dhe atëherë heshti, për t?u bërë sërish protagonist pas humbjes së thellë të Lulzim Bashës më 25 Prill.

Gjekmarkaj si pjesë e skuadrës së humbësve, fliste njësoj si Basha për beteja dhe shkumëzonte kundër ish kryeministrit Sali Berisha, pasi Luli e përjashtoi këtë të fundit nga grupi parlamentar i PD.

Për më tepër u shfaq me deklarata të tipit, nëse Berisha rikthehej në PD ai do të dorëhiqej.

Berisha është rikthyer, PD po merr frymë lirshëm pasi u zhvesh nga blindimi dhe fortifikimi, ndërsa Gjekmaraj, s?është dorëhequr nga funksionet e tij.

Ai vijon të shkojë në zyrën e Kuvendit si nënkryetar Parlamenti. Ndonëse deklaroi se do të hiqte dorë nga të gjitha funksionet, ai vijon të jetë nënkryetar Parlamenti dhe kjo e bën me statut edhe nën kryetar të PD.

Ai ka dhënë dorëheqjen vetëm me fjalë, pasi CNA.al ka mësuar se Gjekmarkaj s?ka dorëzuar asnjë dokument në Kuvend për tu dorëhequr zyrtarisht, por thjesht ka mashtruar.

CNA.al e ka kontaktuar për dy ditë radhazi me të gjitha format, duke e marrë në telefon, duke e dërguar me mesazhe si direkte apo edhe në rrjetin Whatsapp.

Por, Gjekmarkaj nuk ka denjuar të përgjigjet, nëse do t?u qëndrojë deklaratave të tij, për të dhënë dorëheqjen nga pozicionet që  ka, tashmë që u kthye Berisha.

Deklaratat e Gjekmarkaj: Nëse kthehet Berisha, iki

Në Shtator 2021, i ftuar në ?Open?. Agron Gjekmarkaj, deputeti i Partisë Demokratike ka deklaruar se do të largohet nga kjo parti nëse ish-kryeministri Sali Berisha do ta mundë kryedemokratin Lulzim Basha në betejën që ka nisur.

?Nuk shoh shanse për një rikthim të Berishës, mendoj që dhe nuk duhet të rikthehet sepse çfarë ka pat për të dhënë i ka dhënë PD-së. Kjo lëvizje e tij do kishte vlerë para zgjedhjeve, që të hapte një diskutim për PD. Ose nëse do të kishte një mea culpa. Nëse fiton linja e Berishës, unë largohem nga Partia Demokratike,?- tha ndër të tjera Gjekmarkaj.

Në Nëntor 2021,Gjekmarkaj sërish deklaronte se ish-kryeministri nuk ka më se çfarë të ofrojë, duke shtuar se një PD në luftë me SHBA-të, nuk do të jetë mirë për Partinë.

I pyetur në News 24, se nëse fiton Foltorja, a i qëndron deklaratave të tij Gjekmarkaj ka thënë:

?Në PD kanë hyrë e dalë qindra njerëz. Unë jam një individ i ardhur së fundmi nga atashimi e nuk marr vendime për PD, por marr vendime për veten. Një PD në debat me SHBA nuk është e mirë për askënd. I qëndroj deklaratës time. Largohem?

Me 16 Mars 2022, i njëjti Agron Gjekmarkaj, deputet i Partisë Demokratike i ftuar në emisionin ?Opinion?, Gjekmarkaj tha se ka ardhur koha për një frymë të re në PD.

?Do jem deputet i thjeshtë duke luajtur rolin e deputetit në kohen e mbetur te parlamentit. Qëndrimin tim e kam bërë publik ndaj zotit Basha dhe zhvillimeve në PD, i mbetet atij të vendosë. Do jem deputet i PD dhe do të jem një deputet pa funksione politike në PD,? ka thënë ai./CNA.al





Lajmet e fundit nga