web counter
LEXO PA REKLAMA!

SHKARKO APP

App Store
Google Play

E fundit!

x

Dorëzon mandatin/ Bllako arrestohet nga SPAK

29 Mars 2022, 19:19, Politikë CNA

Alqi Bllako, një nga të akuzuarit në aferën e inceneratorëve, për të cili sot nga SPAK u kërkua arresti me burg, ka dorëzuar mandatin e deputetit.

Përmes një postimi në rrjetin social Facebook, Bllako u shpreh se do përballet me drejtësinë pa imunitetin e deputetit. ?Prandaj kam vendosur që ditën e nesërme t’i paraqes Kryetares së Kuvendit dorëzimin e mandatit tim si deputet i Republikës së Shqipërisë, dhe të përballem me akuzën pa asnjë privilegj. Si një qytetar i zakonshëm, si prind dhe familjar i përgjegjshëm; dhe mbi të gjitha si një shërbëtor publik, që padyshim e kupton se çdo angazhim vjen edhe me çmimin e përbaltjes politike apo edhe me detyrimin e sqarimit të së vërtetës para drejtësisë!?, u shpreh Bllako në Facebook.

Por me dorëzimin e mandatit, tashmë Bllako është pa imunitet dhe lehtësish i prekshëm nga ligji. E thënë ndryshe, Bllako do të arrestohet nga SPAK për aferën korruptive ku janë vjedhur miliona euro nga taksat e shqiptarëve.

Nga hetimet e kryera kanë rëzultuar të dhëna se nga ana Alqi Bllakos, gjatë kohës që ka shërbyer  në fillim me funksionin Sekretar i Përgjithshëm i Ministrisë së Mjedisit dhe më pas Drejtor i Përgjithshëm i Agjencisë Kombëtare të Ujësjellës Kanalizimeve dhe Infrastrukturës së Mbetjeve (AKUM), është favorizuar shoqëria koncesionare ?Integrated Technology Ëaste Treatment Fier? sh.p.k., kundrejt marrjes në mënyrë të tërthortë të përfitimit të parregullt në shumën prej 14,964,900 lekë.

Reagimi i Bllakos për të lënë mandatin erdhi pas mbledhjes që Rama bëri me kabinetin qeveritar./E.K-CNA.al

SPAK kërkesë Kuvendit/ Bllako dorëzon mandatin





Lajmet e fundit nga