web counter
LEXO PA REKLAMA!

SHKARKO APP

App Store
Google Play

E fundit!

x

“Donte të bëhej një 'alter ego' i Sali Berishës”/ Si e 'rrënoi' Lulzim Basha personalitetin e tij

29 Mars 2022, 17:42, Politikë CNA

Sociolog i njohur Gëzim Tushi, në një prononcim ekskluziv për CNA.al, ka bërë një analizë të psikologjisë dhe qëndrimit politik të Lulzim Bashës.

Duke u ndalur tek gjestikulacioni, mënyra si artikulonte, si komportoheshe në kuptimin antropologjik, Tushi tha se Basha nuk ka qenë shumë stabil dhe herë pas herë ka shfaqur dhe fluktuacione.

Basha ka pasur gjithmonë një dilemë ekzistenciale si politikan midis asaj që thotë dhe asaj që bën dhe kjo kakofoni politike brenda personalitetit të tij e rrënoi atë moralisht, sipas Tushit.

?Në përgjithësi, kulturalisht dhe politikisht ai ka qenë i sipërfaqshëm, nuk ka qenë mbushamendës në mënyrën si artikulonte fjalët dhe si i argumentonte idetë e tija. Nuk ka qenë shumë stabil. Ju e dini që herë pas herë ai kishte fluktuacione. Basha ka pasur gjithmonë një dilemë ekzistenciale si politikan midis asaj që thotë dhe asaj që bën. Ai mendonte ndryshe nga çfarë thonte dhe bënte ndryshe nga çfarë mendonte dhe kjo kakofoni politike brenda personalitetit të tij e rrënoi atë moralisht. Ia humbi si të thuash identitetin, personalitetin, qëndrueshmërinë dhe vlerësimin tek njerëzit e tij.

Pra në këtë pikpamje kulti i personalitetit të tij, jo vetëm që nuk u pompua siç ai mendonte për tu bërë një alterego e Sali Berishës, një i ngjajshëm i tij, përkundrazi ky personalitet u rrënua në mënyrë të frikshme. Herë pas here edhe njerëzit bënë një farë humori me batutat dhe frazat e tij, por ky humor ka qenë gjithmonë një humor i zymtë sepse ka qenë në kurriz të opozitës, të politikës shqiptare dhe stabiliteti politik të Shqipërisë.

Ndërkaq, përsa i përket anës së jashtme të sjelljes së tij në kuptimin antropologjik mënyra se si komportoheshe Basha, gjuha e trupit në përgjithësi, paraqitja e jashtme e tij ato janë çështje të individualitetit të vet.

Por është e vërtetë që gjestikulacionet e tij, herë pas here nuk kanë qenë koherente me veprimin, kanë qenë të sforcuara. Edhe kur ka dashur të të bëjë të egrin, dhe kur ka dashur të bëjë të fortin dhe kur i ka rënë tavolinës me grusht apo kur ka buzëqeshur, gjithmonë kjo opozitë antropologjike e tij, kjo pamje e jashtme e tij nuk ka qenë asnjëherë thelbësore.

Më lejoni ta theksoj, për politikanin është shumë e rëndësishme uniteti pamjes me thelbin. Kjo dikotomi (dyzimi) midis shfaqes dhe thelbit tek Basha ka qenë jashtëzakonisht e frakturuar dhe kjo e ka bërë atë që edhe në këtë pikpamje të mënyrës si ecën, si gjestikulon. Sepse kini parasysh që për politikanin nuk ka rëndësi vetëm fjala por fjala duhet të jetë e bashkuar me gjuhën e trupit.

Politikani është dhe një lloj aktori që di të përdorë me sens mase gjestin, fjalën, grushtin, ecjen, të gjitha këto duhet të krijojnë një koherencë, një unitet për të krijuar një figurë personale të tij. Madje unë po them që ka raste kur liderë të caktuar përpiqen të imitojnë, edhe Basha në ndonjë rast u përpoq të imitonte atin e tij shpirtëror, por në një farë mënyre imitimet e tij kanë qenë qesharake, jo adekuate të cilat e kanë vënë atë në pozitën e një imitatori jashtëzakonisht shumë të dobët.

Kjo ka bërë që dialogu i Bashës në përgjithësi, qoftë në përmbajtje, qoftë në formë, në mënyrën e arsyetimit dhe gjestikulimit, ka qenë me shumë të meta, dhe besoj që ai dhe vetë e ka kuptuar që statura e tij tërësore për të marrë pjesë seriozisht në spektaklin politik të cilin ekishte marrë përsipër, ka qenë e pamjaftueshme.

Në këtë pikpamje kam përshtypjen që ato e mbanin atë të distancuar nga broblemet e vërteta, nga ajo që kishte thelbësore dhe në një farë mënyre në vend që të ishte një aktor apo një lider politik ai u kthye në një figurë periferike të politikës shqiptare dhe natyrisht një figurë që vazhdoi të rrënojë në këto 9 vite, pavarsisht se në mënyrë naive.

Lul Bashës në këtë kontekst i mungon një vështrim kritik për veten e tij dhe unë se di se çfarë lloj politikani mund të jetë ai që nuk mban qëndrim kritik ndaj vetës së tij, të njohi ato gabime, ato difekte e mangësi.?/ E.T-CNA.al





Lajmet e fundit nga