web counter
LEXO PA REKLAMA!

SHKARKO APP

App Store
Google Play

E fundit!

x

Dy pyetjet që e kryqëzojnë/ Lulzim Basha i përfshirë tek afera e inceneratorëve

29 Mars 2022, 11:53, Politikë CNA

Lulzim Basha ka dalë sot në media duke tentuar të rrëmbejë të gjithë meritën e betejës ligjore apo denoncimin e bërë për aferën e shekullit, atë të inceneratorëve. Në fakt ne të CNA.al kemi dy pyetje për Lulzim Bashën që do t?i shtrojmë më poshtë pasi të bëjmë pak historik.

Së pari Lulzim Basha ka filluar të flasë për inceneratorët vetëm në Shtator të vitit 2020, pra 6 vjet pas firmosjes së kontratës së parë.

Lulzim Basha foli në shtator të vitit 2020, kur ndonjë deputet tek tuk, ndoshta Jorida Tabaku apo Belind Këlliçi apo ndonjë tjetër shkruanin diçka në rrjetet sociale, të tjerët heshtnin. Këtu nuk mund të harrojmë edhe njerëz që denonconin sistematikisht siç ishte departamenti i mjedisit në PD, drejtuar nga Abi Malltezi. Por të tjerët heshtnin përfshirë edhe Lulzim Bashën që kishte dosjet në zyrë.

Të gjithë thonin pse hesht Luli, pse foli me kaq vonesë dhe kur foli e mbylli gojën më pas. Bëri disa kallëzime në SPAK, që po t?i shikosh thellë ?thellë janë vetëm të ndërtuara në një mënyrë për të shpëtuar personat që janë përfshirë.

Lulzim Basha po përpiqet të marrë të gjithë meritën, meritën që e kanë gazetarët, që e kanë njerëzit e medias, pëfshirë dhe ata që kanë folur dhe më pas heshtën. Ata që u financuan dhe u blenë nga inceneratorët, përfshirë këtu edhe Top Channel, Carlo Bollinon, Irfan Hysenbelliun e të tjera media të paguara me qindra miliona lekë, ndoshta dhe me miliona euro nga inceneratorët në mënyrë sistematike, thjesht dhe gjoja për propagandë, por në fakt ishte blerja e tyre mediatike.

Por kishte edhe media të tjera që mbajtën një qëndrim siç është TPZ, siç ishte Birn, apo CNA.al, që kanë denoncuar në mënyrë sistematike inceneratorët. Edhe LSI, filloi të fliste, por filloi të fliste pasi Lefter Koka iku nga kjo parti dhe shkoi tek PS, pasi gjatë viteve që u bënë zullumet dhe LSI, ishte në qeveri askush nga kjo forcë politike nuk foli.

Ky i fundit sepse po përpiqet të marrë atributet e fituesit të kësaj beteje. Në fakt këtu nuk ka asnjë fitues sepse qeverisë, SPAK po tenton t?i vërë kapakun me Lefter Kokën, apo arreston disa zyrtarucë të vegjël. Në fakt steka duhet të shkojë shumë më lart.

Më tej le t?i themi dy pyetjet për Lulzim Bashën.

Në rast se Lulit nuk i kujtohen po i kujtojmë kompaninë Viktoria Invest, mercedezin e tij dhe kapsulimin e mbetjeve në Porto Romano.

Kjo ka kushtuar 15 milionë euro, është edhe me tender me prokurorim të drejtpërdrejtë nga qeveria, në dhjetor të 2019, pas tërmetit.

Ishte koha kur Luli heshtte për inceneratorët. Çfarë lidhet ky investim me inceneratorët mund ta sqarojmë në vijim në rast se Lulzim Basha nuk jep përgjigje.

Së dyti, pse u hesht kaq vite, cila qe arsyeja dhe pse nuk u thanë disa të vërteta të tjera skandaloze, në lidhje me disa dosje që Lulzim Basha i ka patur në zyrën e tij. Pra denoncime , afera, pagesa, skema korrupsioni evazioni fiskal që, Lulzim Basha i ka ditur, por nuk i nxorri as tek Komisioni Hetimor ku në fakt më shumë u përpoq të ndihmonte Edi Ramën dhe ta shpëtonte, sesa të godiste inceneratorët të cilëve në fakt në atë procedurë u bëri avokatinë.

SPAK nuk i ka arrestuar sepse hetimet i bëri Komisioni Hetimor, jo. Thjesht Lulzim Basha e dinte fundin e këtyre hetimeve dhe filloi një Komision Hetimor që më shumë prishi punë, për të shmangur ndoshta për të fshehur tek opinioni publik të vërtetat e tij, Lulzim Basha do të fshehë paratë që kanë shkuar nga inceneratorët tek ai, paratë që kanë shkuar nga inceneratorët tek bashkëpunëtorët e tij të ngushtë. Lulzim Basha ka dashur të fshihet për të shpëtuar nga akuzat për dosjet që mbajti të mbyllura në sirtar që nuk i denoncoi kurrë.

1-Sa para ke marrë nga inceneartorët dhe kompanitë e tyre, ti direkt apo bashkëpunëtorët e tu, zoti Basha?

2-Së dyti, pse u fshehën për gati 6 vjet dosjet dhe pse disa dosje të tjera nuk i publikove kurrë megjithëse i kishe mbi tavolinë?/ CNA.al





Lajmet e fundit nga