web counter
LEXO PA REKLAMA!

SHKARKO APP

App Store
Google Play

Vetmia e madhe e Evi Kokalarit/ Pse u braktis nga të gjithë “grindavecia” publike

2022-10-07 11:43:00, Editorial CNA

Vetmia e madhe e Evi Kokalarit/ Pse u braktis nga të gjithë

Evi Kokalari, në një dalje publike ka folur për Rezeart Xhaxhiun dhe që në krye të emisionit thekson, se ajo ka pasur akumulimet e saj direkt pas Kuvendit Kombëtar të Partisë Demokratike.

Në fakt, e vërteta është se më shumë sesa akumulim, ishte moszgjedhja e një numri personash që Kokalari kërkonte t’i fuste në Këshillin Kombëtar dhe më pas t’i përdorte në këtë ditë. Nuk mundën dhe nuk u zgjodhën, sepse nuk u votuan dhe meqenëse nuk mori çfarë kërkoi, filloi sulmet e saj mbi disa të rinj të FRPD-së. Kishte dhe nga ata me 7 apo 3 vota.

Më tej koha ka treguar se prej muajsh ajo ka ndjekur një linjë akuzuese dhe përçarëse ndaj të rinjve, duke u përfshirë disa herë në zgjedhjet brenda PD-së, me sulme dhe akuza, por edhe shpifje, gjithashtu edhe në garën e FRPD-së.

Në mënyrë krejtësisht të pavërtetë, Kokalari faktet, të cilat nuk kanë asnjë peshë në rezultat apo në proceset e vërteta zgjedhore, i fryn, i keqpërdor, duke akuzuar kë të mundet. Kërkon gjithë kohës të zgjidhet kush do ajo, kur do ajo dhe si do ajo. Në momentin që merr përgjigjen dhe të vërtetat, fillon dhe akuzon mediat, shpif ndaj tyre, siç është rasti i CNA.al.

Vetmia e madhe e Evi Kokalarit/ Pse u braktis nga të gjithë

Ne asnjëherë, në asnjë rast, nuk jemi ndalur, jo përpara Evis Kokalarit me identitet Evi Angelakis, por përballë shumë personazheve politikë, mediatikë dhe të botës së krimit, për të vërtetën, përballë skemave, përballë skenarëve, individëve të caktuar.

I kemi dhënë përgjigje Kokalarit dhe do të vazhdojmë t’i japim ditë pas dite, se ajo nuk ka asnjë kontribut në Partinë Demokratike. Erdhi në PD nga rruga, e uli Sali Berisha në krah të tij në “Foltore”, edhe për të treguar se një shqiptare me pasaportë amerikane, ishte kundër “non gratës” së tij. Janë nga ato imazhet që nxirren nëpër koncerte, thjesht dhe vetëm për të tërhequr vëmendje. Shqipja e saj me pak diksion amerikan dhe rrëmuja në PD, hapësira mediatike që iu ofrua i dhanë një imazh publik të gënjeshtërt.

Evi Kokalari pas pak muajsh nxori kokën e saj të vërtetë, gjoja në emër të konservatorizmit, kërkonte që të pavotuarit të zgjidheshin, sulmonte të rinjtë e FRPD-së dhe ish-kreun e këtij forumi që të mos zgjidhej nënkryetar. Ka sulmuar dhe akuzuar gratë demokrate si askush tjetër. Së fundmi u përfshi në garën për kreun e FRPD-së, sepse nuk i pëlqeu një kandidat. Tani vazhdon flet, duke nxjerrë gjoja shifra për përmbysjen e rezultatit, kur në fakt CNA.al, dje ia ka treguar me fakte se e vërteta ishte krejt ndryshe nga ajo që thoshte Evi Kokalari. Sulmon e kërcënon biznesmenë, disa i ka bërë dhe miq, pasi më parë ka bërë postime, ka kërkuar informacion, por është ndalur, pse-në, duhet ta tregojë vetë.

E lindura Evis Kokalari, që jeton si Evi Angelakis, kjo mesogrua, që jeton përtej oqeanit, ndoshta ka parë ëndrra se ka zëvendësuar në karrige Berishën, dhe duke dalë krah tij në Foltore, mund të bëjë çfarë dhe si të dojë me PD-në. Në fakt, zonja thjesht dhe vetëm po grindet publikisht dhe kjo gjë ka një të mirë. Po u tregon shqiptarëve kush është në të vërtetë dhe sa vlen në politikë. Sa më shumë të flasë, aq më mirë i bën vetes. Nuk do të vonojë dita që do të mbetet e vetmuar dhe kjo ndoshta do ta shërojë politikisht, pasi ka kohë që ndonjë recetë e firmosur nga të rinjtë në Tiranë nuk i bën më efekt./CNA.al

 





Lajmet e fundit nga