LEXO PA REKLAMA!

SHKARKO APP

App Store
Google Play

E fundit!

x

Evi Kokalari, 12 pyetje publike që duan përgjigje për aktivitetin e saj

8 Qershor 2022, 16:39, Editorial REDAKSIONALE
Evi Kokalari, 12 pyetje publike që duan përgjigje për aktivitetin
Evi Kokalari

Sot pasi braktisi betejën e humbur me të rinjtë e FRPD, aktivistja që pretendon se është shtylla e ndryshimit të PD në parti konservatore ka shkruajtur disa rrjeshta për traspartencën, sërish duke përdorur kreun e PD dhe ish-kryeministrin Sali Berisha.

Publikisht, por edhe faktikisht zonja Evi Kokalari ka lobuar për individë të zgjidhen në PD, ka sulmuar, por edhe ka deklaruar se me ardhjen e Donald Trump, president i SHBA-ve, doktor Berishës do i hiqet non-grata.

Duke qenë se CNA.al publikoi disa të dhëna dhe fakte për zonjën Kokalari, reagimin e saj nervoz me fyerje dhe akuza, konsultuam me një studio ligjore me njohuri dhe kompetencë për ligjet dhe aktivitetet e lobimit në SHBA. Më tej, ajo sot shkruan në një postim të saj se: “Transparenca është shumë e rëndësishme për çdo demokraci dhe Amerikanët kryesojnë luftën kundër çdo lloj manipulimi faktesh”.

Evi Kokalari, 12 pyetje publike që duan përgjigje për aktivitetin

Atëherë le t’i drejtojmë disa pyetje zonjës, por disa të tjera me përgjigje më vonë. Kjo është pjesa e parë, sepse disa të tjera e kanë përgjigjen në hyrje të shkrimit por edhe për shkak të aktivitetit të saj.

Lobimi është një aktivitet i njohur dhe i mbikëqyrur rreptësisht në SHBA. Një nga qëllimet kryesore të ligjeve amerikane mbi lobimin është transparenca e lidhjeve dhe kontakteve të funksionarëve të shtetit amerikan me individë, të cilët i shërbejnë eksponentëve të ndryshëm me qëllimin për të influencuar vendimmarrjen e këtyre funksionarëve.

Këta individë në zhargonin tonë ne i njohim si lobistë. Një qëllim tjetër është transparenca e marrëdhënieve financiare midis lobistëve dhe klientëve të tyre sepse shtetit amerikan, në emër të transparencës dhe eliminimit të korrupsionit, i intereson të dijë se sa para ka marrë një lobist për të influencuar një kauzë të caktuar.

Një prej dy akteve ligjore kryesore që adreson këto qëllime quhet Akti i Regjistrimit të Agjentëve të Huaj (The Foreign Agents Registration Act – FARA).  Rregullat e përcaktuara nga FARA mbulojnë, mes të tjerave, lobimin për organizata dhe/ose individë politikë që nuk janë amerikanë.  Evi Kokalari, 12 pyetje publike që duan përgjigje për aktivitetin

Kujtojmë këtu formularët e deklarimit të PD-së që janë bërë publike më parë nga ne.  Ishin pikërisht rregullat e FARA që detyruan lobistët amerikanë të deklaronin marrëdhënien e tyre me PD-në në atë kohë, paratë që kishin marrë për këtë lobim, dhe çështjet për të cilat do lobonin.

Për të qenë i qartë, nëse një individ amerikan vepron për interesat e individëve apo partive politike jo-amerikane dhe qëllimi i kësaj veprimtarie është:

(a) Influencimi i një pjesë të opinionit publik në lidhje me politikat e jashtme të SHBA, DHE/OSE interesat politike apo publike të një eksponenti jo-amerikan, OSE

(b) Përfaqësimi në kapacitetin e marrëdhënieve me publikun të një eksponenti jo-amerikan, atëherë, për qëllimet e FARA, individi i përfshire në këtë veprimtari ka këto detyrime:

Evi Kokalari, 12 pyetje publike që duan përgjigje për aktivitetin

1- Të regjistrohet në Departamentin e Drejtësisë në SHBA jo më vonë se 10 ditë, pasi të ketë filluar kjo veprimtari.  

2- Të dorëzojë deklarata të përditësuara të aktivitetit çdo 6 muaj nga data e regjistrimit.

3- Të gjitha mesazhet e dhëna si pjesë e kësaj veprimtarie, përfshirë ato që janë mesazhe private nëpërmjet telefonit apo mesazhe publike në media sociale duhet të etiketohen qartazi si mesazhe lobuese dhe përfituesi i këtyre mesazheve lobuese duhet të jetë i identifikuar.

4- Si pjesë e regjistrimit dhe përditësimit me Departamentin e Drejtësisë në SHBA, të dorëzojë dokumentat e mëposhtëm:

a. Listën e gjithë eksponentëve të huaj për të cilët ky individ bën këtë veprimtari lobuese dhe përshkrim të detajuar të qëllimeve të marra përsipër nga ky individ.

b. Listë të detajuar të gjithë aktiviteteve politike, përfshirë pjesëmarrjen në aktivitete publike si dhe çdo kontakt me Kongresmenë amerikanë apo stafin e tyre (qoftë në person ose nëpërmjet telefonit).

c. Një listë të të gjitha parave të marra nga ky individ si rezultat i bashkëpunimit me eksponentë të huaj gjatë periudhës për të cilën po raportojnë.

d. Një listë të të gjithë parave që janë shpërndarë nga ky individ në lidhje me veprimtarinë e tyre për një eksponent të huaj.

e. Një listë të çdo kontributi financiar që ky individ ka bërë për një organizatë politike apo kandidat.

Veprimtaria e një nënshtetasi amerikan në mospërputhje me rregullat e FARA, përfshirë ato të përshkruara më sipër, konsiderohet një krim në SHBA.  Çdo person që e kryen këtë krim në mënyrë të qëllimshme, është subjekt i një gjobe që nuk mund të jetë më shume se $10,000, dënimit me burg për jo më shume se 5 vjet, ose të dyja dënimeve të kombinuara.

Evi Kokalari, 12 pyetje publike që duan përgjigje për aktivitetin

Në këtë kontekst, kishim disa pyetje për znj. Evi Kokalari-Angelakis:

1. A jeni ju nënshtetase amerikane?  Nëse po, ju jeni subjekt i ligjit FARA?

2. A keni vepruar ju për interesat e një organizate politike, sëbashku me politikanë të tjerë ose në mënyre individuale, brenda dhe/ose jashtë SHBA?

3. A keni ndërmarrë veprime për të influencuar një pjesë të opinionit publik në lidhje me politikat e jashtme të SHBA?  

4. A keni deklaruar publikisht se çfarë veprimesh, gjykoni se do të ndërmerren nga Departamenti i Shtetit në SHBA nëse Partia Republikane fiton zgjedhjet?  

5. A keni shprehur ndonjëherë në publik që ju flisni në emër të Partisë Demokratike, Komisionit të Rithemelemit, apo një ose më shumë prej individëve politikë në Shqipëri?

6. A jeni regjistruar në Departamentin e Drejtësisë sipas rregullave të përcaktuara në legjislacionin amerikan, përfshirë FARA?

7. A keni marrë ndonjë para, apo kontribut në natyrë (udhëtime, pagesa hotelesh, vakte, trajtime estetike, etj.) gjatë kohës që jeni përfshirë në veprimtarinë e sipërpërmendur në piken 3, në lidhje më atë veprimtari?

8. A i keni deklaruar këto të ardhura dhe/ose kontribute në natyrë në përputhje me legjislacionin amerikan, përfshirë FARA?

9. A keni qenë në dijeni të këtyre rregullave, përfshirë FARA, duke patur parasysh që burime publike konfirmojnë që ju më parë keni qenë e përfshirë në veprimtari për mbledhje/kontribut fondesh për politikanë të ndryshëm në SHBA? Nëse keni qenë në dijeni, a keni pësuar ndonjë traumë që mund tju bëjë të harroni rregullat që i keni ditur shumë mirë para një viti?

10. A jeni në dijeni që për sa më sipër, janë përgatitur dhe bërë gati të gjitha denoncimet me autoritetet përkatëse federale të SHBA dhe ato të shtetit të New York, sepse bazuar në kërkimin tonë, rezulton që ju keni shkelur dhe vazhdoni të shkelni me vullnet të plotë ligjet e SHBA?

11. A keni vënë në dijeni mikun tuaj, z. Grenell për të gjitha fondet që keni mbledhur me emrin e tij, gjë që individë të ndryshëm pretendojnë se e keni bërë duke e shitur veten si një person me akses dhe influencë në vendimmarrjen e tij?

12. A jeni në dijeni të një letre që është depozituar në administratën e z. Trump në lidhje me veprimtarinë tuaj të jashtëligjshme dhe të paautorizuar në Shqipëri?  Dëshironi ta bëni këtë letër të disponueshme për publikun?

Historia juaj në Shqiperi sipas jush ka mbaruar.  Në SHBA, vijon…

Presim përgjigje, ndërkohë që pyetjet shtohen./CNA.al

 

Lajmet e fundit nga