Skandali 3.5 milionë euro/ Si i shpëtoi drejtësisë turke shoku i Edi Ramës

2022-09-09 12:10:00, Editorial CNA

Skandali 3.5 milionë euro/ Si i shpëtoi drejtësisë turke

Sinan Idrizi, që thuhet se është mik i Edi Ramës dhe siç ka denoncuar më herët Partia Demokratike po pastron paratë e tij, është i lakuar për probleme me drejtësinë.

Në vitin 2020, Idrizi u shndërrua në kryefjalë të mediave turke, të cilat pasqyruan një aferë me vlerë 3.5 milionë euro.

Biznesmeni turk, Adnan Polat, ka paditur Sinan Idrizin, i cili është edhe një prej pronarëve të kompanisë "AirAlbania".

Objekti i padisë ka qenë për mashtrim financiar.

Mediat turke raportuan në vitin 2020, se Adnan Polat, ish-president i Gallatasarajit, ka paditur në Stamboll Idrizin pasi ai i ka marrë para për blerjen e një kompanie nafte.

Skandali 3.5 milionë euro/ Si i shpëtoi drejtësisë turke

Adnan Polat

Siç thuhet në mediat turke, gjatë investigimit nuk janë gjetur as para dhe as një kompani nafte.

Por dyshohet se Idrizi ka marrë plot 3.5 milionë euro.

Në denoncimin e sipërmarrësit turk thuhet se kontrata nuk është përmbushur nga kompania e "Air Albania".

“Adnan Polat, biznesmeni i famshëm, ish-president i Gallatasarajit është mashtruar në Shqipëri. Adnan Polat, i cili është dhe presidenti i 'Polat Grup' ka dorëzuar në prokurorinë e Stambollit një padi penale me pretendimin se kompania e Sinan Idrizit, 'Air Albania' i ka kërkuar para me premtimin se do të blinte një kompani nafte, por kontrata nuk është përmbushur”, shkruan gazeta e madhe turke "hurryet.com.tr".

Në media është raportuar se gjatë vitit 2017 Idrizi është justifikuar se në Shqipëri po bëheshin zgjedhjet, prandaj dhe punimet nuk kishin filluar.

Mirëpo edhe pas zgjedhjeve shitja nuk u realizua, kështu që Adnan Polat ka bërë padi në Prokurori për mashtrim dhe kanë nisur hetimet.

Si shpëtoi Idrizi në Gjykatë

Me 24 nëntor 2020, është mbajtur seanca gjyqësore, ku Idrizi është shpallur i pafajshëm.

Prokurori ka deklaruar se në bazë të marrëveshjes mes palëve janë paguar 3.5 milionë dollarë në emër të paradhënies për kalimin e kompanisë, por më pas mes tyre ka lindur një mosmarrëveshje për kalimin e kompanisë.

Ai kërkoi lirimin e tij duke deklaruar se ngjarja e ndodhur në të cilën ankuesi kërkoi kthimin e shumës që i kishte paguar, por i akuzuari nuk ia ktheu paratë pjesëmarrësit në fjalë, ishte në natyrën e një mosmarrëveshjeje juridike dhe ishte jashtë objektit të procedurës penale./CNA.al