Sukseset e Gledis Nanos dhe dështimet e Bledi Çuçit

2022-08-30 14:49:00, Editorial Elvi FUNDO

Largimi i Gledis Nanos nga drejtimi i Policisë së shtetit pas afërsisht një viti në drejtimin e saj, dje ishte lajmi i ditës.

Mediat edhe këtu u ndanë.

U raportua largimi i tij, dikush tha dorëheqje, më pas dikush e përgënjeshtroi dhe doli vetë drejtori që tha, se nuk ka dhënë dorëheqjen, por të gjithë e pranuan.

Ditën e shtunë, drejtori i policisë së shtetit është thirrur nga Ministri i Brendshëm për t’u zëvendësuar në detyrën e tij.

Dorëheqje apo dorëheqje nga dorëheqja, apo edhe refuzim për t’u dorëhequr, kjo ka pak rëndësi.

Duke qartazi se Gledis Nano tashmë është i larguar.

Pranohet fakti që i është kërkuar të dorëzojë detyrën nga Ministri i Brendshëm.

Pra, nuk mund të vazhdojë më në këtë detyrë do apo nuk do ai, pasi Policia e shtetit nuk mund të jetë “tokë e xanun”, sepse Gledisi do të rrijë në detyrë. Ky është një parim që nuk diskutohet.

Le të shikojmë disa fakte më poshtë.

Krimi në vend

Lufta ndaj krimit në vend nuk është përmirësuar gjatë kohës që Gledis Nano ka qenë në detyrë, pavarësisht përkushtimit apo ndershmërisë dhe marrëdhënieve të shkëlqyera që ai ka me partnerët ndërkombëtarë.

Nuk është Shqipëria më e qetë dhe më e sigurtë.

Ngjarja e Potamit në Himarë, ngjarja e fundit me Ervis Martinajn apo ngjarjet e tjera kriminale në vend, pasi ka çdo ditë vrasje dhe krime e ngarkojnë me përgjegjësi drejtorin e përgjithshëm të policisë së shtetit.

Në rast se drejtori thotë se nuk është përgjegjësia e tij, por e ministrit, pasi emërimet i ka bërë në bashkëpunim me të apo ka bërë çfarë i ka thënë ministri, ka dy herë më shumë përgjegjësi si drejtori i përgjithshëm i policisë së shtetit.

Sepse nuk ka bërë detyrën si duhet, nuk ka performuar si duhet, por thjesht dhe vetëm ka marrë përsipër të emërojë në struktura, në detyra dhe t’u besojë personave të cilëve, ai ndoshta nuk i ka dashur, por i ka dashur Ministri i Brendshëm.

Këtu merr përgjegjësi edhe Ministri i Brendshëm.

Në rast se ka dështuar Gledis Nano ka dështuar edhe Bledi Çuçi.

Por, në çdo rast po të shohim dhe analizojmë faktet, Gledis Nano duhet të largohet.

Nga aspekti se nuk e do ministri, por jo vetëm nga kjo, por nga çështjet e rendit dhe të sigurisë dhe nga mënyra se si ka funksionuar Policia e shtetit, reformat e pritshme, rezultatet e të tjera si këto.

Edhe nëse e shohim në këndvështrimin e vullnetit politik nuk mund të qëndrosh në detyrë, kur ministri apo kryeministri nuk të duan.

Askush nuk e ka në pronësi postin e drejtorit në çdo lloj institucioni, qoftë ky edhe drejtori i përgjithshëm i policisë së shtetit.

Ka një periudhë kohe, performon, gjatë kohës që je emëruar, por duhet edhe pak fat.

Ndoshta ka qenë koha e keqe që Gledisi ishte në këtë detyrë, por nuk mjafton vetëm kjo.

Edhe emërimet, shkarkimet apo sikur njerëzit rreth e rrotull tij dhe sikur këto t’ia faturojë Bledi Çuçit, sërish është e pamjaftueshme.

Në fund mund të themi se largimi i Gledis Nanos nuk mjafton.

Nuk mjafton për gjithçka ka ndodhur, nuk mjafton edhe për faktin se nuk është vetëm drejtori i përgjithshëm i policisë në historinë e krimit dhe situatës që po kalon vendi.

Për këtë duhet shkuar shumë më lart.

Bledi Çuçi s’mund të ketë fitore vetëm sukseset e policisë. Ai jeton bashkë me skandalet e problematikat e saj dhe është po aq përgjegjës sa Nano, ndoshta edhe më shumë pasi është i zgjedhur politik jo thjesht emërim.

Sukseset e Gledis Nanos dhe dështimet e Bledi Çuçit

Ndoshta Ministri i Brendshëm jo vetëm të dorëhiqet por kryeministri duhet të analizojë se çfarë ka ndodhur, si funksionojnë strukturat e sigurisë dhe të rendit në vend.

Si performon vetë ministri, a është ai vetë apo janë të tjerët që ndikojnë mbi të, a ka ndërhyrë ai te drejtori i përgjithshëm i policisë, siç ndodh rëndom në Shqipëri dhe prandaj nuk do të mjaftonte vetëm dorëheqja e Gledis Nanos.

Në rast se gjithçka do t’i faturohet situatës së krimit dhe problematikave e korrupsionit apo skandaleve në polici, fatura shkon edhe te Ministri i Brendshëm miniminalisht, pa folur për kryeministrin dhe vullnetin e tij në mbështetje të Policisë së shtetit për të luftuar krimin e organizuar në vend./CNA.al