web counter
LEXO PA REKLAMA!

SHKARKO APP

App Store
Google Play

E fundit!

x

Gledis Nano është në rrugën e duhur/ Habit deputeti i PD-së, thirrje ambasadave: Mbrojeni nga Rama

3 Gusht 2022, 21:14, Aktualitet CNA
Gledis Nano është në rrugën e duhur/ Habit deputeti i
Deputeti i PD-së, Dashnor Sula

Për deputetin e Partisë Demokratike, Dashnor Sula, puna e Drejtorit të Përgjithshëm të Policisë së Shtetit, Gledis Nano, nuk ka të sharë.

Pavarësisht kritikave dhe sulmeve të shumta që ai dhe policia që drejton ka marrë në orët e fundit pas ngjarjes tragjike në Himarë, duke e etiketuar si të dështuar, deputeti demokrat mendon të kundërtën. Deputeti Sula mendon se Drejtori i Policisë duhet mbështetur dhe duhet lënë të vazhdojë punën e tij.

Në një intervistë për “Euronews Albania”, Sula u bëri thirrje Ambasadave në Shqipëri, që të mbështesin Nanon dhe të mos i nënshtrohen presionit nga kryeministri Edi Rama.

“Është në rrugën e duhur dhe uroj dhe shpresoj shumë që të mos pengohet dhe të mos i nënshtrohet presionit nga ministri i Brendshëm apo kryeministri. 

Do t’u bëja thirrje të gjitha agjencive ligjzbatuese ndërkombëtare, madje edhe të gjithë ambasadave në Republikën e Shqipërisë që ta mbështesin fort drejtorin e ri të Policisë.

Unë mendoj se është një person i cili është në rrugën e duhur. Por kam frikën dhe kam bindjen që do të bëjnë të pamundur në të gjitha format dhe mënyrat për ta penguar në detyrën e tij”, theksoi ai.

Nano mori vendim për të shkarkuar drejtuesit e Policisë Kufitare në Vlorë, pas ngjarjes së rëndë të ndodhur në Himarë, ku një 7-vjeçare u përplas për vdekje nga një skaf në plazhin e Potamit në Himarë, që drejtohej nga shtetasi Arjan Tase.

Ai mbante detyrën Shef Seksioni i Policimit në Komunitet në Komisariatin e Policisë Elbasan dhe pas kësaj ngjarjeje, është përjashtuar nga Gledis Nano.

Arjan Tase humbi kontrollin e mjetit lundrues dhe përplasi për vdekjen fëmijën në bregun e detit. Mbi të është ngritur akuza e vrasjes nga pakujdesia dhe pritet që brenda 48 orësh do të njihet edhe më masën e sigurisë në gjykatën e Vlorës./CNA.al

 





Lajmet e fundit nga