web counter
LEXO PA REKLAMA!

SHKARKO APP

App Store
Google Play

Vrasja e 7-vjeçares në Himarë/ “Çmendet” Rama, sulmon mediat dhe kritikët

3 Gusht 2022, 12:39, Aktualitet CNA

Vrasja e 7-vjeçares në Himarë/ “Çmendet”

Kryeministri Edi Rama ka reaguar sërish për ngjarjen tragjike që ndodhi dje në Himarë.

Rama ka kërkuar dënimin maksimal për autorin Arjan Tase që vrau 7-vjeçaren.

Por, ndërkohë në mes të kësaj tragjedie, Rama është kujdesuar t’u kundërpërgjigjet kritikëve dhe opozitës duke i akuzuar se po e keqpërdorin ngjarjen e rëndë për politikë.

Për më tepër ai ka sulmuar edhe mediat duke i quajtur vampirë që s’lënë plagë pa futur në gojën e tyre të përdalë.

“Madhësia e tragjedisë së djeshme në Himarë e bën edhe më të madhe se çdo herë tjetër, ligësinë e verbër të vampirëve politikë e mediatikë që s'lenë plagë pa futur gojën e tyre të përdalë, duke kërkuar përfitimet e tyre mizerabël në shkelje të çdo kodi moral, familjar, kombëtar!
Tragjedia e djeshme ka tronditur të madh e të vogël dhe ka krijuar një ndjenjë të rëndë shqetësimi, ndërkohë që Policia e Shtetit po merr të gjitha masat për të reaguar shumë më fort ndaj sfidës së garantimit të rendit ligjor jo vetëm në qarkullimin rrugor, po edhe atë ujo

Vizioni i Shqipërisë turistike dhe ambicia që kjo të jetë dekada e kthimit të vendit tonë në kampionin rajonal të turizmit, lidhet edhe me rritjen e lartë të mjeteve lundruese dhe sfidën e disiplinimit të tyre, që nuk është një fjalë goje në një vend ku deri dje ato s'ekzistonin!

Shkarkimi i gjithë trupës së drejtorisë së kufirit Vlorë dhe vendosja e një fokusi të shtuar mbi qarkullimin ujor,janë hapat e duhur që do të pasohen nga hapa të tjerë,në kushtet kur rritja e përvitshme e numrit të mjeteve lundruese përbën një sfidë të vazhdueshme për të gjithë!

Sa për çetat e udhëhequra nga nongratat dhe nga ata me identitet të dyfishtë që kërkojnë ta kthejnë këtë vdekje tragjike në motiv lufte politike, kjo s'është as e para as e fundit herë kur një fatkeqësi që trondit shoqërinë, ekspozon shëmtinë e pacipë të shpirtit të tyre! Uroj edhe njëherë që drejtësia t'i japë ndëshkimin më ekstrem fajtorit për këtë tragjedi", shkruan Rama./CNA.al 





Lajmet e fundit nga