web counter
LEXO PA REKLAMA!

SHKARKO APP

App Store
Google Play

Çuçi i bën çiçin sigurisë/ Asnjë përgjegjësi për ngjarjet tronditëse që po ndodhin në Shqipëri

3 Gusht 2022, 10:50, Aktualitet CNA
Çuçi i bën çiçin sigurisë/ Asnjë
Ministri i Brendshëm, Bledi Çuçi

Një sezon veror ku policia kufitare ka mbledhur tri viktima, një sezon veror kur automatiku dhe vrasjet nuk janë ndalur ditë pas dite nëpër ura, atentate mafioze, vrasje, krime.

Siguria e vendit lë jo vetëm për të dëshiruar, por tregon se është totalisht jashtë kontrollit.

Me Ministër të Brendshëm, burrin e dytë të gruas së tretë të Edi Ramës, Bledi Çuçin, njeriun që qartazi i ka bërë çiçin sigurisë.

Po është fakt, Çuçi i ka bërë çiçin sigurisë!

Polici i djeshëm i ngjarjes makabre në Himarë ishte një punonjës policie i akuzuar për drogë dhe i rikthyer në detyrë e tani merr skafin e vret një fëmijë, e për më tepër shkon të grushtohet me babain e viktimës.

Ai është fytyra e Bledi Çuçit, ai është siguria e Bledi Çuçit.

Siç janë 90 plumbat e derdhur në një ngjarje kriminale disa ditë më parë, ku atentatorët u kujdesën pas breshërive të djegin dhe mjetet dhe nuk është rasti i parë.

Ka shumë ngjarje të tjera siç është dështimi i arrestimit të kapobandave shqiptare në momentin kur një kriminel u bë bashkëpunëtor i drejtësisë.

Janë me dhjetëra e me qindra raste, ku Bledi Çuçi i ka bërë çiçin sigurisë dhe vazhdon fshihet pas syzeve dhe mjekrës së tij snobe, a thua se na duhet një Don Kishot në krye të rendit apo na duhet një ministër i fortë që mbledh frerët dhe rikthen në shinat e sigurisë dhe i bën qytetarët të ndihen më të lirë në vendin e tyre.

Bledi Çuçi i bëri çiçin sigurisë dhe është një nga personat politikisht dhe administrativisht përgjegjës për situatën koatike dhe thuajse të shkatërruar të turizmit në këtë sezon të vitit 2022 në Shqipëri./CNA.al





Lajmet e fundit nga