LEXO PA REKLAMA!

SHKARKO APP

Oficeri i merr jetën 7-vjeçares me skaf/ Meta bën përgjegjës Ramën

3 Gusht 2022, 12:42, Aktualitet CNA

Oficeri i merr jetën 7-vjeçares me skaf/ Meta bën

Kreu i Partisë së Lirisë, Ilir Meta, ka komentuar ngjarjen tronditëse në plazhin Potam të Himarës, ku humbi jetën 7-vjeçarja, Jonada Avdia.

Në një deklaratë për mediat, në lidhje me ngjarjen e rëndë, Meta ka deklaruar se shteti ka rënë dhe ka bërë përgjegjës për ngjarjen, kryeministrin Edi Rama. 

“Rama punon çdo ditë kundër të gjithë shqiptarëve. Shikoni rrogat më të ulëta, pensionet më të ulëta, çmimet më të larta. Shikoni vetëm një njeri që do të shfajësohet pas 10 vitesh në pushtet kur kontrollon të gjitha pushtetet në vend. Nuk ka lënë njeri në Shqipëri pa gjobitur për t'i mbajtur nën presion dhe shantazh. Sot kërkon të bëjë viktimën se autori i vrasjeve me arrogancën e tij është ai. Është ai që u jep siguri politike dhe garanci për pandëshkueshmëri. Siç e kemi parë dje, siç e kemi parë në rastin e të ndjerit Rasha. Këta bëjnë si të fortë me popullin se kanë atë, por e patë në Elbasan si rrinin para të fortëve, rrinin sus", ka thënë ndër të tjera ish-Presidenti./ CNA.al

Lajmet e fundit nga