LEXO PA REKLAMA!

SHKARKO APP

E fundit!

x

Mjetet lundruese/ Drejtoria Detare e pranon: Janë dhënë patenta në mënyrë abuzive

3 Gusht 2022, 18:17, Aktualitet CNA
Mjetet lundruese/ Drejtoria Detare e pranon: Janë dhënë patenta
Kreu i Drejtorisë Detare, Paulin Ndreu

Për të drejtuar një motor uji apo skaf, duhet patentë e posaçme. Ajo rinovohet çdo 5 vjet pas një testimi teorik dhe praktik të drejtesit të mjetit.

Kreu i Drejtorisë Detare, institucioni që regjistron mjetet e ujit dhe jep patentat për drejtimin e tyre, konfrimon për "Euronews Albania" se ka pasur abuzime me dhënien e tyre.

“Ne kemi 7,700 patenta dhe dhe mbi 8000 motorë. Kemi pasur heqje masive të patentave sepse ishin dhënë në mënyrë abuzive dhe nën moshë”, u shpreh Paulin Ndreu.

Personat me precedentë penalë, ligjërisht nuk mund të pajisen me leje drejtimi. Kursi bëhet në kompani private të ngjashme me autoshkollat, por patentat jepen nga Drejtoria Detare.

“Ne çdo javë na paraqiten rreth 40-60 persona për t’u pajisur me leje drejtimi dhe rreth 50% mbesin në testimin teorik dhe praktik”, theksoi ai.

Lejet për stacion plazhi jepen nga bashkia e Agjencia e Mjedisit, me konfirmimin nga kapiteneritë e porteve se aty nuk bllokohen rrugët detare.

“Nuk kemi dhënë një konformim për atë zonë dhe nuk ka teknikisht të miratuar një zonë në plazhin e Potamit”, nënvizoi Ndreu.

Arian Tase, kishte 5 vjet me patentë për drejtimin e mjetit që shkaktoi aksidentin./CNA.al

Lajmet e fundit nga