LEXO PA REKLAMA!

SHKARKO APP

App Store
Google Play

E fundit!

x

“Zgjohet” kapteri i PS që bleu "BMV" luksoze në pandemi/ Lleshaj: Deti si xhungël, nuk funksionon ligji

3 Gusht 2022, 18:55, Aktualitet CNA
“Zgjohet” kapteri i PS që bleu "BMV" luksoze në
Ish-ministri i Brendshëm, Sandër Lleshaj

Sipërfaqja detare në Shqipëri është e pakontrolluar dhe është si një lloj xhungle ku nuk funksionon rregulli dhe ligji.

Kështu u shpreh në një intervistë për “Euronews Albania”, ish-ministri i Brendshëm, Sandër Lleshaj, kapteri i PS-së, i cili mbahet mend kur ishte në krye të rendit, vetëm për makinën "BMV" luksoze që bleu në kohë pandemie. 

“Ne duhet të kuptojmë që një pjesë të Shqipërisë e kemi jashtë kontrollit, që është deti, prej kohësh. Për shumë arsye. Në radhë të parë, ne ende nuk e dimë, një pjesë e madhe e shqiptarëve nuk e dinë që përveç 28 mijë kilometrave katror tokë, kemi edhe disa mijëra kilometra katror det. Dhe kjo sipërfaqe detare e Shqipërisë është e pakontrollouar, është një lloj xhungle ku nuk finksionon rregulli dhe ligji”, theksoi ai.

Sipas Lleshajt, sipërfaqja detare ka nevojë të trajtohet si sipërfaqja tokësore, pasi është më e rëndëshime.

Ish-ministri nënvizoi se në sipërfaqen detare zhvillohet aktiviteti jetik i shtetit shqiptar.

Një ngjarje e rëndë ndodhi mesditën e së martës në plazhin e Potamit në Himarë, ku një fëmijë i mitur u përplas për vdekje teksa ishte në breg, nga një skaf i cili drejtohej nga shtetasi Arjan Tase.

Ai mbante detyrën Shef Seksioni i Policimit në Komunitet në Komisariatin e Policisë Elbasan dhe pas kësaj ngjarjeje, është përjashtuar nga Drejtori i Përgjithshëm i Policisë së Shtetit, Gledis Nano.

Mbi të është ngritur akuza e vrasjes nga pakujdesia dhe pritet që brenda 48 orësh të njihet edhe më masën e sigurisë në gjykatën e Vlorës./CNA.al

 

Lajmet e fundit nga