web counter
LEXO PA REKLAMA!

SHKARKO APP

App Store
Google Play

Pas përplasjes së një çifti dhe foshnjës tre muajshe/ Gledis Nano “derdh rrugëve” Policinë

9 Maj 2022, 09:12, Aktualitet CNA

Pas aksidentit të djeshëm, ku një çift me një foshnje tre muajshe u hodhën në ajër nga një makinë, teksa po kalonin në vijat e bardha, ka ardhur edhe reagimi i Policisë së Shtetit.

Efektivët e Policisë janë “derdhur” në rrugë, duke dhënë mijëra penalitete ndaj drejtuesve të automjeteve.

?Në kuadër të masave për parandalimin e aksidenteve rrugore dhe në zbatim të detyrave të lëna mbrëmjen e djeshme, nga Drejtori i Përgjithshëm i Policisë së Shtetit Gledis Nano, për zhvillimin në mënyrë permanente dhe jo me fushata, të kontrolleve intensive, duke përdorur të gjtha format ligjore dhe mjetet logjistike bashkëkohore, prej mbrëmjes së djeshme, në të gjithë vendin, shërbimet e Policisë Rrugore, të mbështetura nga Patrullat e Përgjithshme dhe forcat ?Shqiponja?, kanë vijuar kontrollet për evidentimin dhe ndëshkimin e shkelësve të Kodit Rrugor?, thuhet në njoftimin e Policisë.

Policia “mbyt” në gjoba drejtuesit e automjeteve

Si rezultat i kontrolleve në të gjithë vendin janë pezulluar 79 leje drejtimi, nga të cilat 39 për shpejtësi (të matura me radarët automatikë), 29 për drejtim mjeti nën efektin e alkoolit apo në gjendje të dehur dhe 11 për qarkullim në sens të kundërt.

Janë arrestuar në flagrancë 16 drejtues mjetesh, nga të cilët 10 për drejtim mjeti në gjendje të dehur dhe 6 për drejtim mjeti pa leje drejtimi.

Gjatë mbrëmjes së djeshme dhe orëve të para të mëngjesit të sotëm janë vendosur 2874 masa administrative, për shkelje që janë burim potencial për përfshirje në aksidente rrugore, konkretisht për mosvendosje të rripit të sigurimit,  për përdorim të celularit gjatë drejtimit të mjetit, për parakalime të gabuara, për mosdhënie përparësie këmbësorëve, për gara shpejtësie e manovra të rrezikshme, për drejtim mjeti nën efektin e alkoolit e shpejtësi tej normave të lejuara dhe për mosvendosje të kaskës mbrojtëse nga drejtuesit e motomjeteve. /CNA.al





Lajmet e fundit nga