E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Thirrja e Kikias/ Të kërkojmë pezullimin e kontratave të reja PPP dhe hetimin e atyre ekzistuese!

8 Maj 2022, 18:53, Aktualitet CNA

Gazetari Mentor Kikia ka bërë një thirrje të fortë në rrjetet sociale, për sa u përket koncesioneve të Partneritetit Publik Privat (PPP) në vendin tonë.

Kikia thotë se të gjithë ne duhet të kërkojmë pezullimin e kontratave të reja PPP dhe hetimin e atyre ekzistuese.

Ai deklaron se PPP-të janë bërë mjeti më i mirë i ligjërimit të korrupsionit dhe askush nuk po mban përgjegjësi.

Sipas tij, ky model ekonomik nuk është shpikur në Shqipëri, por këtu është degraduar në një mjet për të kanalizuar fondet publike në duart e në grushti njerëzish.

Gazetari thekson se qeveria nuk duhet të firmosë më asnjë kontratë të re, ndërsa duhet të verifikohet efektshmëria e të gjitha kontratave që janë dhënë, e ndërsa kontratat që janë në dëm të interesit publik duhet të anulohen.

?Të kërkojmë pezullimin e kontratave të reja PPP dhe hetimin e atyre ekzistuese!

PPP-të janë bërë mjeti më i mirë i ligjërimit të korrupsionit. I abuzimit dhe zhvatjes, pa mbajtur përgjegjësi askush.

Përmes këtij mekanizmi u lëshuan tek privatët gati të gjithë shërbimet në sistemin shëndetësor.

Eshtë dorëzuar mirëmbajtja e autostradave dhe së fundit edhe e parqeve arkeologjike dhe objekteve më të rëndësishme të trashëgimisë historike e kulturore.

Me PPP, po jashtë logjikës së PPP-ve, po ndërtohen vepra të mëdha publike, me kosto të mëdha dhe të fryra dhe jo transparente.

Ky model ekonomik nuk është shpikur në Shqipëri, por këtu është degraduar në një mjet për të kanalizuar fondet publike në duart e në grushti njerëzish.

Nuk mjafton që ne të rendisim se kush përfiton nga PPP-të!

Nuk mjafton të shajmë e mallkojmë ata që pasurohen me paratë e taksave tona!

?Alternativa Civile? propozon:

?PPP-të duhet të ndërpriten. Qeveria nuk duhet të firmosë më asnjë konratë re, ndërsa duhet të verifikohet efektshëmria e të gjitha kontratave që janë dhënë. Konratat që janë në dëm të interest publik duhet të anulohen?

Bashkohu edhe ti, me një ?PO? nëse je dakord, ose me një ?JO? nëse nuk je dakord

Ne mund ta shprehim masivisht edhe kështu mendimin tone?, shkruan Kikia./ CNA.al